भाजपच्या जुन्या कार्यकर्त्यांची नाराजी, नवीन कार्यकर्त्यांचा जल्लोष

सहसंपादक : रामभाऊ भोयर

राळेगाव 77 मतदारसंघात भाजपच्या राजकीय वातावरणात सध्या जुने आणि नवीन कार्यकर्त्यांमध्ये संघर्षाची परिस्थिती दिसून येत आहे. जुन्या कार्यकर्त्यांना नेतृत्वाकडून मिळणाऱ्या दुर्लक्षामुळे नाराजी आहे, तर दुसरीकडे नवीन कार्यकर्ते जल्लोषात आहेत. भाजपचे अनेक वर्षे निष्ठावानपणे काम करणारे जुने कार्यकर्ते सध्या पक्षात दुय्यम स्थानावर ढकलले जात असल्याची भावना व्यक्त करत आहेत. “इतक्या वर्षांची निष्ठा असूनही आमच्याकडे दुर्लक्ष केले जात आहे. नवीन कार्यकर्त्यांना अधिक महत्त्व दिले जात आहे,” असे एका जुन्या कार्यकर्त्याने नाव न सांगण्याच्या अटीवर सांगितले. वी. आमदार जुन्या कार्यकर्त्यांना कोमात पाहताना दिसून येत आहे, याउलट नवीन कार्यकर्ते पक्षाच्या निर्णयांचे समर्थन करत आहेत. “पक्षाला नव्या ऊर्जेची गरज आहे, आणि आम्ही ती प्रदान करत आहोत,” असे एका नवीन कार्यकर्त्याने सांगितले. सध्याच्या परिस्थितीमुळे राळेगाव मतदारसंघातील भाजपच्या कार्यसंघटनेत अंतर्गत संघर्ष उफाळून आला आहे. आगामी निवडणुकांवर याचा काय परिणाम होईल, हे पाहणे 23 तारखेला महत्त्वाचे ठरणार आहे.