आनंद निकेतन कनिष्ठ महाविद्यालय, आनंदवन,वरोरा येथे राष्ट्रीय सेवा योजना २०२५-२६ उद्घघाटन तथा नवप्रवेशित विद्यार्थ्यांचे उद् बोधन कार्यक्रम संपन्न झाला. कार्यक्रमाची सुरुवात दीप प्रज्वलन तथा राष्ट्रपिता महात्मा गांधी यांच्या फोटोचे पूजन पुष्पअर्पण तथा स्वागतगीताने झाली. या कार्यक्रमाचे अध्यक्ष प्राचार्य, डॉ.मृणाल काळे,प्रमुख अतिथी उपप्राचार्य प्रा.राधा सवाने,प्रमुख मार्गदर्शक प्रा. एम. एम. मुंडे, प्रा.नीरज आत्राम राष्ट्रीय सेवा योजना कार्यक्रम अधिकारी, यांची उपस्थिती लाभली. या कार्यक्रमाप्रसंगी अध्यक्षीय मार्गदर्शनामध्ये प्राचार्य डॉ. मृणाल काळे सर यांनी सांगितले की,स्वयंसेवकांनी राष्ट्रभावना जागृत करून, स्वतः पुढाकार घेऊन स्वतःच्या गावापासून स्वच्छतेची मोहीम राबवावी, स्वच्छतेचे महत्व लोकांना पटवून द्यावे, स्वयंशिस्त लावून राष्ट्राची सेवा करावी. राष्ट्रीय सेवा योजनेचे ब्रीदवाक्य (Not Me But You)
“मी नाही पण तू ” याचे महत्त्व सांगितले. तसेच स्वच्छ भारत सुंदर भारत करण्यासाठी सदैव स्वयंसेवकांनी सामोर यावे. तसेच प्रमुख अतिथी उपप्राचार्य प्रा.राधा सवाने मॅडम यांनी स्वयंसेवकांनी स्वयंप्रेरणेने सामोरे येऊन राष्ट्रीय कार्यात मोलाचे योगदान देऊन राष्ट्राची सेवा करावी,उच्च शिक्षण घ्यावे आणि सदैव लोकांचे कल्याण करावे.
या कार्यक्रमाप्रसंगी प्रमुख मार्गदर्शक प्रा.एम.एम.मुंडे यांनी विद्यार्थ्यांना संबोधन करताना सांगितले की, स्वयंसेवकांनी राष्ट्राची सेवा करणे आद्य कर्तव्य आहे. कोणतेही काम हे लहान किंवा मोठे नसते,काम हे काम असते. त्यांनी स्वयंशिस्त आणि स्वच्छतेचे महत्त्व विशद केले.
या कार्यक्रमाची प्रस्तावना प्रा. नीरज आत्राम,राष्ट्रीय सेवा योजना कार्यक्रम अधिकारी यांनी केली. या कार्यक्रमाचे उत्कृष्ट सूत्रसंचालन कु. प्रतीक्षा ढोले हिने केले. तर आभार प्रदर्शन कुमारी मुक्तेश्वरी नेहारेनी केले.या कार्यक्रमाला शिक्षक वृंद, शिक्षकेतर कर्मचारी, नवप्रवेशित विद्यार्थी (स्वयंसेवक ) बहुसंख्येने उपस्थित होते. या कार्यक्रमाच्या यशस्वीतेकरीता शिक्षक वृंद आणि शिक्षकेतर कर्मचारी यांचे हातभार लागले. या कार्यक्रमाची सांगता राष्ट्रगीताने करण्यात आली.