सहसंपादक : रामभाऊ भोयर
ग्राहक म्हणजे बाजारपेठेचा राजा आजच्या जागतिकरण स्पर्धात्मक युगात हा ग्राहक राजा अतिशय महत्वाचा भाग झाला आहे ग्राहक बाजारपेठेतील आर्थिक उलाढाल आणि खरेदी विक्रीचा केंद्रबिंदू आहे. सध्या ऑनलाइन व्यवहार मोठ्या प्रमाणात होत आहे.त्यामुळे यूपीआय अंतर्गत ऑनलाइन वस्तूची खरेदी करताना ग्राहकांनी सजग राहणे आवश्यक आहे तसेच गॅस सिलेंडर मिळत नसल्याची अफवा सर्वत्र पसरवली जात असून गॅस सिलेंडर साठा उपलब्ध आहे त्यामुळे नागरिकांनी अशी अफवा पसरवू नये असे प्रतिपादन आज राळेगाव तहसील कार्यालयात झालेल्या जागतिक ग्राहक दिनानिमित्त अध्यक्षीय भाषणात बोलताना उपविभागीय अधिकारी सुधीर पाटील यांनी आपले मत व्यक्त केले.
जागतिक ग्राहक दिनानिमित्त ग्राहक पंचायतचे जिल्हा उपाध्यक्ष डॉ. के एस वर्मा, तालुका अध्यक्ष प्राचार्य मोहन देशमुख उपाध्यक्ष डॉ. अश्विनी थोडगे पुरवठा निरीक्षण अधिकारी चंद्रकांत पाटील यांनी जागतिक ग्राहक दिन निमित्त आपले मनोगत व्यक्त केले. त्यानंतर राळेगाव शहरातील उत्कृष्ट ग्राहक सेवा देणारे पोस्टमन विनोद नहाते यांचा उपस्थित मान्यवरांच्या वतीने शाल श्रीफळ व सन्मानपत्र व स्मृतिचिन्ह देऊन सन्मानित करण्यात आले
यावेळी उपस्थित तहसीलदार अमित भोईटे जिल्हा ग्राहक पंचायत चे उपाध्यक्ष डॉ. के एस वर्मा ,तालुकाध्यक्ष प्राचार्य मोहन देशमुख, उपाध्यक्ष डॉ.अश्विनी थोडगे उपाध्यक्ष विनय मुनोत ,सदस्य हेमंत निंबुळकर, अमर ठाकरे,राष्ट्रपाल भोंगाडे, नायब तहसीलदार किरणताई किन्नाके, पुरवठा निरीक्षण अधिकारी चंद्रकांत पाटील, पुरवठा निरीक्षक संघप्रिय भवरे,कनिष्ठ लिपिक अमोल मंगाम तसेच तालुक्यातील स्वस्त धान्य दुकानदार दुकानदार उपस्थित होते.
