सहसंपादक :: रामभाऊ भोयर
राळेगाव शेतशिवारात उच्छाद मांडून कृषीपंप चोरणारी टोळी वडकी पोलिसांनी मोठ्या शिताफीने जेरबंद केली. त्यांच्याकडून तब्बल १७मोटारपंप व दुचाकी वाहन ताब्यात घेण्यात आले. ही कारवाई वडकी पोलिसांनी बुधवारी (ता.१८) केली. मिलींद बाबाराव सातघरे, अमोल सुभाष शिरपुरकर, मंगेश सुभाष शिरपुरकर, प्रमोद सुरेश पोहणकर, महिंद्रा गोसावी उईके सर्व रा. वाढोणा बाजार ता. राळेगाव अशी आरोपींची नावे आहेत.
वाढोणा बाजार येथील शेतकरी बापूराव पांडुरंग डोमकावळे (५०) यांनी १३ मार्च रोजी मोटारपंप चोरीची फिर्यादी दिली होती.
त्यावरुन गुन्हा दाखल करून आरोपींचा शोध सुरू केला. गुप्त माहितीच्या आधारे पाच जणांना ताब्यात घेऊन त्यांना हिसका दाखवताच त्यांनी गुन्ह्याची कबुली दिली. बापूराव डोमकावळे, सुभाष पुरुषोत्तम मांडवकर रा. लाडकी, उमेश झाडे रा. वाढोणा बाजार, शंकर कुकडे रा. वाढोणा बाजार, योगेश कोल्हे रा. टाकळी, ससाने गुरुजी रा. लाडकी, शिवा माहुरे रा. वाढोणा बाजार व इतर शेतकऱ्यांच्या शेतातून मोटारपंप चोरी केल्याचे कबुल केले. या आरोपीनी कोणा-कोणाला मोटारपंप दिले, त्याचा शोध घेवून पोलिसांनी एकूण १७पाण्याच्या मोटारी व एक दुचाकी (एमएच ३३ के ४३९९) असा एकूण १ लाख ५५ हजार रूपयांचा मुद्देमाल जप्त केला.
सदर कारवाई एसपी कुमार चिंता, अपर एसपी अशोक थोरात, सहायक पोलीस अधीक्षक रॉबीन बन्सल यांच्या मार्गदर्शनात वडकीचे ठाणेदार सुखदेव भोरकडे, दीपक मडकाम, दीपक वांड्रसवार, अमोल चौधरी, सचिन नेवारे, आकाश कुदुसे, निरंजन, अमीर किन्नाके, होमगार्ड प्रवीण चौधरी, वैभव चहारे यांनी पार पाडली.
