प्रतिनिधी:सुमित चाटाळे,पांढरकवडा
पांढरकवडा / संपूर्ण शेतकऱ्यावर आज नापिकीची भयानक परिस्थिती असताना महावितरण आज शेतकर्यांना रात्रीची वीज देऊन त्याच्या जीवाशी खेळत आहे. आज साऱ्या जगाला जगवणारा पोशिंदा म्हणून ओळख असणारा शेतकरी याची जिवाचीच महावितरण व शासनाला काळजी नाही असे एकंदरीत चित्र दिसत आहे . मागील आठवड्यात जालना जिल्ह्यातील ३ भावंड ओलीताला गेले असता शेतात प्राणाने मुकले. आज केळापूर तालुक्यातील अनेक गावात जंगली प्राण्याची दहशत असून रात्रीबेरात्री शेतकऱ्यांना शेतात जावं लागत आहे. हा सर्व त्रास रात्रीची वीज असल्याने आहे. म्हणून केळापूर तालुक्यातील शेतकऱ्यांच्या समश्या मांडण्यासाठी पहापळ येथील शेतकरी व शेतकरी पुत्रांनी विभागीय अभियंता महाराष्ट्र विदुत महावितरण कार्यालय पांढरकवडा येथे निवेदन दिले . यात कोरोना काळातील वीज बिल १००% माफ करा व शेतकऱ्यांना दिवसाची वीज द्या या प्रमुख मागण्या निवेदनात मांडल्या. शेतऱ्यांसाठी हा बुलंद आवाज म्हणून शेतकरी पुत्र सुरज चौधरी ( यवतमाळ जिल्हा प्रवक्ते राष्ट्रसंत विचार मंच महाराष्ट्र राज्य ), प्रवीण हामंद ( भाजप यु मो तालुका सरचिटणीस),मनोज वैद्य, बाबुलाल मेश्राम , मनोज मडावी ,आनंद गंधेवार , मारोती हामंद , सागर कोरेवार, वसंता खांडरे, नितीन चाटाळे हे उपस्थित होते.
