प्रतिनिधी:वरून त्रिवेदी, वरोरा

मागील 3 महिन्यापासून महाराष्ट्र नवनिर्माण सेना वरोरा चे तालुकाध्यक्ष वैभव डहाने यांनी घरकुल लाभार्थ्यांना वाढीव दरात रेती खरेदी करावी लागत असल्याने त्यांना आर्थिक भुर्दंड सहन करावा लागत असल्याने घरकुल लाभार्थ्यांना शासन दरात रेती उपलब्ध करून द्यावी अशी मागणी लावून धरली होती.त्या मागणीला आज उपविभागीय अधिकारी, वरोरा नदी पत्र देऊन मान्य केल्याचे कळविले.

महाराष्ट्र नवनिर्माण सेना वरोरा चे तालुकाध्यक्ष वैभव डहाने तहसील कार्यालय परिसरातील टॉवर वर चढून आंदोलन केले प्रसंगी 14 तासांपर्यंत वर बसुन आंदोलनाला यशस्वी करण्यात आले .तरीही अवैध रेतीतस्करी जोरात सुरू असल्याने अखेर 3 डिसेंबर ला रेतीतस्करी रोखून घरकुल लाभार्थ्यांना शासन दरात रेती उपलब्ध करून घ्या अन्यथा आत्मदहनाची परवानगी द्या अशी मागणी केली.मनसे ने ही मागणी चा सतत पाठपुरावा करून लाभार्थ्यांना न्याय देण्यासाठी भाग पाडले असे सर्व जनतेचे म्हणणे आहे. मागील आठवड्यात अवैध वाळू तस्करी करणाऱ्या ट्रॅक्टर ने दोन युवकांना चिरडले त्यात एका युवकाचा मृत्यू झाला प्रसंगी मनसे चे तालुका अध्यक्ष वैभव डहाने यांनी उपविभागीय अधिकारी, तहसीलदार यांना धारेवर धरत तहसील कार्यालयाला टाळ ठोकलं.पंचायत समिती व नगरपरिषद क्षेत्रातील लाभार्थ्यांना महसूल विभागाने जप्त केलेले रेती साठे राखीव ठेवून वितरित करता येईल असे पत्रात नमूद केले आहे. महसूल विभागाने जप्त केलेली रेती घरकुल लाभार्थ्यांसाठी राखीव ठेवण्याचे आदेश देत मनसे ची मागणी मान्य केल्याबद्दल उपविभागीय अधिकारी सुभाष शिंदे यांचे मनसे चे तालुकाध्यक्ष वैभव डहाने यांनी आभार मानले आहेत.संपूर्ण जिल्हाभरात ही योजना लागू करावी असे आवाहन देखील त्यांनी प्रशासनाला केले आहे.