प्रतिनिधी:उर्मिला पोहीनकर, चंद्रपूर
चंद्रपुर : लालपेठ येथील तेलुगु भाषिक नागरिकांचे वास्तव्य लक्षात घेता येथे तेलगू समाजाचे भवन बांधण्यात यावे अशी मागणी यंग चांदा ब्रिगेड चे शहर संघटक कलाकार मल्लारप यांनी किशोर जोरगेवार यांना केली आहे.
चंद्रपूर हा उद्योगिक जिल्हा आहे. त्यामुळे रोजगाराच्या शोधात नागरिक चंद्रपुरात येऊन स्थायी झाले आहेत. यात वेकोली क्षेत्रात काम करणाऱ्या तेलगू भाषिकांची संख्या अधिक आहे.
लालपेठ, महाकाली कॉलरी नांदगाव याभागात यांची संख्या लक्षणीय आहेत. असे असले तरी या भागात एकही तेलुगु समाज भवन नाही त्यामुळे सामाजिक किंवा घरगुती कार्यक्रम करण्याकरिता येथील नागरिकांना अडचण निर्माण होत आहे. ही बाब लक्षात घेता लालपेठ येथे तेलगू समाज भवनाची निर्मिती करण्यात यावी, अशी मागणी कलाकार मल्लारप यांनी केली असून सदर मागणीचे निवेदनही त्यांच्या वतीने आमदार किशोर जोरगेवार यांना देण्यात आले आहे. आ. जोरगेवार यांनी यावेळी सकारात्मक प्रतिसाद दिला आहे.
या प्रसंगी कलाकार मल्लारप, आदि गिरवेनि, व्यंकटेश सूरा, रमेश पारनंदी, सत्यम महेश्वर, अमित कोरकुपलवार, वेणु कोडेल, संपत कडम, सिनु कोडारी आदींची उपस्थिती होती.
