वरोरा :- वरोरा तालुक्यातील आमडी ,वडकेश्वर,बोरी घाटांवरून रेती तस्करी ची वाहतूक मोट्या प्रमाणात सुरू आहे. या वाहतुकीमुळे बोरी, वडकेश्वर, आमडी या गावाकडे जाणाऱ्या रस्त्याची बेकार अवस्था झाली आहे ,मात्र याकडे महसूल विभाग,उत्खनन खनिज विभाग व पोलीस विभागाचे दुर्लक्ष हाेत असल्याने संतप्त झालेल्या नागरिकांनी रस्ता अडवून या रेती घाटावर चाललेल्या अवैध रेती तस्कर वर कारवाही करण्याची मागणी आज दि 30 जूनला केली
 वरोरा तालुक्याचे क्षेत्रफळ मोठे असून, बाजूलाच वर्धा नदी आहे. नदीकाठच्या गावागावात घाट निर्माण झाले आहेत. सर्व घाटांवर उच्च प्रतीची रेती आहे. तालुक्यातीलच नव्हेतर जिल्ह्यातील व जिल्ह्याबाहेरील अनेक रेती तस्कर झटपट श्रीमंत होण्याच्या नादात वरोरा तालुक्यात पायधूळ झाडतात. जिल्ह्याबाहेरील रेती तस्कर, वरोरा तालुक्यातील रेती ठेकेदार ,महसूल विभागातील कर्मचारी व पोलीस विभागतील पोलीस यांचे साटेलोटे निर्माण होऊन बहुमोल रेतीचे अवैध उत्खनन करण्याचा सपाटा नियमित सुरू आहे.  या बाबत बोरी गावचचे सरपंच गणेश माटेयांनी एकमहिन्या आधी माननीय ताहसीलदार याना फोन करून या रेती तस्करीची माहिती दिल्याचे सांगण्यात आले,मात्र एक महिना होऊनही कोणत्याही प्रकारची कारवाही झाली नसल्याचे सरपंच यांनी प्रतिनिधी ला सांगितले, रस्त्याला या वाहतुकीमुळे ठिकठिकाणी मोठे खड्डे पडल्याने या गावतील गर्भवती महिला गाडीवरून पडली त्यामुळे संतप्त नागरिकांनी रस्त्यावर उत्तरन वाहतूक अडवून या अवैध वाहतुकीवर कारवाही करण्याच्या घोषणा दिल्या,त्या वेळी पटवारी कुमरे हे घटनास्थळी जाऊन ऐका मुरूमच्या हायवाला अटक करून पंचनामा केला याबाबत कुमरे याना विचारणा केली असता हायवा घुगरे यांचा मालकीचा असल्याचे सांगण्यात आले,यावेळी बोरी सरपंच गणेश माटे,ग्रा पं सदस्या छाया गिरसाळवे, समस्त गावकरी रस्त्यावर उतरले होते.