वणी : राज्यातील बहुतांश ग्रामपंचायतीचे स्ट्रीटलाईटचे वीजबिल थकीत आहे. काही ग्रामपंचायतीचे तर जवळपास मागील ३०ते ३५ वर्षांपासून वीज बिल थकीत आहे. तर एका एका ग्राम पंचायतीचे करोडो रुपये बिले आहे. यात ग्राम पंचायतीची सर्व संपत्ती जरी विकली तरी बिलाची रक्कम परत फेड होणार नाही अशी बिकड परिस्थिती ग्राम पंचायतीवर आहे. सर्व कर सरकार ग्राहकांकडून वसूल करीत असले तरी सरकार मात्र याचा भुर्दंड ग्राम पंचायतीवर लादत आहे. मागील ३०ते ३५ वर्षा पासून या ट्रीट लाईट चे बिल अद्याप पर्यंत बहुतांश ग्राम पंचायतीला मिळाले नाही परंतु अचानक या कोरोना काळात महावितरणला या बिलाची आठवण आली आणि अनेक ग्राम पंचायतीला १० करोड पेक्षा जास्त बिल पहिल्यांदाच सुपूर्त केले आहे तर अनेक ग्रामपंचायतींना लाखो रुपयाचे बिल सुपूर्द केले आहे.
जेव्हा की वीज कंपनी व सरकार प्रत्येक गावाकऱ्यांकडून प्रत्येक ग्राहकांकडून ज्या प्रमाणात वीज वापर करते ते बिल तर देत असतात पण त्याच बरोबर स्थिर आकार, वहन कर, वीज शुल्क असे अतिरिक्त कर हजारो कोटी रुपये वसूल करत असतात मग सर्व गावाला स्ट्रीटलाइट ही मोफत असायला पाहिजे. किव्हा त्याचा भरणा ऊर्जा मंत्रालय अथवा ग्राम विकास मंत्रालयाने भरणा केला पाहिजे.
ज्या खेड्या पाड्यातील, तांडा वस्तीतील ग्राम पंचायतीचे उत्पन्न कमी आहे, अश्या ग्राम पंचायतीने करोडो रुपये आणायचे कुठून हा मोठा प्रश्न नवनिर्वाचित सरपंच्यांसमोर पडला आहे. त्यामुळे या महत्वाच्या विषयावर आज वणी तालुका ग्रामसंवाद सरपंच संघटनेच्या वतीने बैठक घेण्यात आली व पुढील काढतात या आव्हानाला कसे सामोरे जायचं याचे नियोजन केले.
येणारा काळ हा निश्चितच आव्हानात्मक आहे. आज स्ट्रीटलाईट कापली तर सर्व गाव अंधारात जातील. आणि उद्या पाणी पुरवढा जर टार्गेट केला तर गावाच्या गावे पाण्यापासून वंचित होतील.
रस्ते, पाणी, शिक्षण हे जनतेच्या टॅक्स वरून जनतेला मोफत द्यावे लागते परंतु सरकार संविधान विरोधी भूमिका घेऊन जर चालत असेल सर्व सरपंच व सर्व सदस्यांनी जात,धर्म,पंत, पक्ष बाजूला सारून गावासाठी गावाच्या सर्वांगिन विकासासाठी एकजुटीने कार्य केले पाहिजे. हीच सदिच्छा
धन्यवाद यावेळी ग्रामसंवाद सरपंच संघाचे तालुकाध्यक्ष अजय कौरासे, तालुका सचिव हेमंत गौरकर, लालगुडा ग्राम पंचायतीचे सरपंच चालकुरेजी तसेच मारेगाव तालुकअध्यक्ष देखील विचारपीठावर उपस्थित होते असून तालुक्यातील विविध गावाचे सरपंच उपसरपंच सदस्य उपस्थित होते.