यवतमाळ जिल्हा प्रतिनिधी रामभाऊ भोयर
एकात्मिक बाल विकास सेवा योजना पंचायत समिती राळेगाव अंतर्गत बोराटी व चोंढी येथील अंगणवाडी सेविका ह्या वयाचे ६५ वर्षे पूर्ण केल्यामुळे त्यांचा सेवानिवृत्ती तसेच सत्कार निरोप समारंभ कार्यक्रम सम्पन्न झाला, या कार्यक्रमाला अध्यक्ष म्हणुन खेमकुंड गावच्या सरपंच मा.संगिता देवतळे तसेच प्रमुख पाहुणे मा.श्री.सागर विठाळकर बाल विकास प्रकल्प अधिकारी राळेगाव, मा. श्री विश्वकर्मा शिवनकर विस्तार अधिकारी राळेगाव, पर्यवेक्षीका कु.पायल आत्राम मॅडम,ग्रामपंचायत अधिकारी स्नेहा आडे, उपसरपंच बेबीताई झोटिंग, पर्यवेक्षिका स्नेहा अनपट, धरती कोराम, वरध बिटच्या अंगणवाडी सेविका व मदतनीस उपस्थित होत्या.कार्यक्रमाची सुरुवात क्रांती ज्योती सावित्रीबाई फुले व माता सरस्वती च्या प्रतिमेचे पुजन व दीपप्रज्वलन करून करण्यात आली, याप्रसंगी बोराटी येथील अंगणवाडी सेविका महानंदा लढी तसेच चोंढी येथील अंगणवाडी सेविका वेणुताई पेंन्दोर यांचा मान्यवरांच्या हस्ते सत्कार व सन्मान करण्यात आला,वयाची ६५ वर्षे अंगणवाडील लाभार्थीची सेवा करून सेवा निवृत्त झालेल्या सेविकांना मा. सागर विठाळकर यांनी भावी निरोगी आयुष्यासाठी शुभेच्छा दिल्या, यावेळी शिवनकर सर व पायल आत्राम यांनी आपले मनोगत व्यक्त केले, कार्यक्रमाचे सूत्रसंचालन भिमसेनपुर येथील अंगणवाडी सेविका आम्रपाली खोब्रागडे यांनी केले तसेच प्रास्ताविक लता मेश्राम व कल्पना बागेश्वर यांनी आभार मानले. तसेच स्वागतगीत किरण अंजीकर यांनी गायले, यावेळी उत्कृष्ट कामगिरी करणाऱ्या अंगणवाडी सेविका यांचा मान्यवरांच्या हस्ते सत्कार करण्यात आला. तसेच लोक सेवा हक्क अधिनियम “सेवा हक्क दिनानिमित्त” शपथ घेण्यात आली. पोषण पकवाडा कार्यक्रमाअंतर्गत राळेगाव प्रकल्पातील अंगणवाडी सेविका मदतनीस यांनी उत्कृष्ट कामगिरी केली याबद्दल मान्यवरांनी कौतुक केले, कार्यक्रमाच्या यशस्वीतेसाठी वरध बिटच्या सर्व अंगणवाडी सेविका सर्व मदतनीस तसेच अनिताबाई मुके यांनी खुप प्रयत्न केले.
