वणी ग्रामीण रुग्णालयातील
अनागोंदी कारभारा विरुद्ध शिवसेना शहर प्रमुख राजू तुरणकर यांनी सुरू केलेल्या शिवसेनेच्या पंधरवड्यात आंदोलनाला यवतमाळ जिल्हा शल्य चिकित्सक वारे यांनी भेट देऊन समस्या ऐकून घेतल्या.
या संदर्भात वणीच्या ट्रामा केअर सेंटर मध्ये जिल्हा शल्यचिकित्सक ,संजय देरकर, सुनील कातकडे, अजिंक्य शेंडे, बंटी ठाकूर, व संपूर्ण मेडिकल अधिकारी व कर्मचारी समक्ष बैठक घेवुन पुढील चर्चा करण्यात आली. रुग्णालयात चोवीस तास एक वैद्यकीय अधिकारी रुग्णालयात हजर राहणे, बंद असलेले सिझेरियन (प्रसूती) त्याकरिता आज न भुलतज्ञ वैद्यकीय अधिकारी नियुक्ती करण्यात आली, रुग्णालयात पूर्णवेळ करिता स्त्री रोगतज्ञ अधिकारी उपलब्ध करण्याचा पाठपुरावा,रुग्णालयात कार्यरत असलेल्या वैद्यकीय अधिकाऱ्यांच्या कर्तव्याच्या वेळा निच्चीत करून दर्शनस्थळी फलक लावण्यात येणार असल्याचे,अत्यावश्यक काळातील वैद्यकीय अधिकारी वगळता इतर वैद्यकीय अधिकारी दोन्ही वेळ दवाखान्यात उपलब्ध राहतील,यानंतर डॉ घरी आणी परिचारिकां नी फोनवर विचारून रुग्णांचे उपचार करणार नाही,अती गंभीर रुग्ण वगळता सर्रास रुग्ण रेफर करण्यात येणार नाही,
वैद्यकीय अधिकाऱ्यांच्या हलगर्जीपणा मुळे प्रांजली विनोद बदखल चा प्रसूतीदरम्यान बालकाचा जीवितास झालेली गंभीर हानी या बाबत चौकशी समिती बसवून दोषींवर कारवाई करण्याचे ठरले,
प्रसूतीसाठी लागणाऱ्या औषधी साठा रुग्णास उपलब्ध विनामूल्य करण्यात येणार आहे,आवश्यक असलेल्या लसी,औषधे साठा उपलब्ध ठेवल्या जाईल अपुऱ्या सुविधांमुळे रुग्णांचे हाल, जाणारे प्राण याकडे लक्ष देऊन गोरगरीब जनतेला सेवा दिली जाईल, शासन निर्णयानुसार वणीकरिता मंजूर झालेले १०० खाटांचे रुग्णालय कार्यान्वित करणे करिता त्वरित कारवाई करून बांधकाम सुरू करणे करिता पाठपुरावा केला जाईल अश्या विविध विषयांवर सकारात्मक चर्चा करण्यात आली, सर्व कर्मचाऱ्यांना ताकीद देऊन सुव्यवस्था निर्माण करण्याची हमी दिली.
यावेळी असंख्य शिवसैनिक उपस्थित होते.संतोष कुचनकार, मनीष बतरा,
पियुष चव्हाण,सतीश कोंडे, किशोर थेरे ,राहुल झट्टे
निखिल तुराणकर,जनार्धन थेटे ,मंगल भोंगळे,हेमंत गौरकर उपस्थित होते.
डॉ सुलभेवर प्रभारी वैद्यकीय अधिक्षक यांचे कडक कारवाई करा : अजिंक्य शेंडे.
ग्रामीण रुग्णालयात पाण्याचा टाकीत अळ्या, महिला रुग्णांना प्रसूती दरम्यान औषधी बाहेरून विकत आणावयास लावणे, अस्वच्छता, घाणीचे साम्राज्य या सर्व कारभाराला डॉ सुलभेवर जवाबदार असल्याने यांना कार्यामुक्त करण्याची मागणी युवासेना उपजिल्हाधिकारी अजिंक्य शेंडे यांनी केली आहे.
