गुरुवार 14 ऑक्टोबर रोजी सकाळी 11:30 वाजता दरम्यान घुग्घुस येथील राजीव रतन चौकात घुग्घुस आम आदमी पार्टी तर्फे घुग्घुस शहरातून होणारी कोळशाच्या जडवाहनांची वाहतूक रोखण्यासाठी रस्ता रोको आंदोलन करण्यात आले. एक तास हे आंदोलन याठिकाणी करण्यात आले. घुग्घुस शहरांमधून दिवसेंदिवस कोळशाच्या जडवाहनांची वाहतूक वाढतच चाललेली आहे. ज्यामुळे शहरातील प्रदूषणात खूप झपाट्याने वाढ होत आहे. यामुळे नागरिकांचे आरोग्य धोक्यात आलेले आहे. घुग्घुस शहरातील मुख्य मार्गावरून कोळशाची वाहतूक मोठ्या प्रमाणामध्ये होत आहे. ज्यामुळे शहरातील नागरिकांना वेगवेगळ्या प्रकारच्या आरोग्याच्या समस्यांना सामोरे जावे लागत आहे. ४ ऑक्टोबर पासून शाळा सुरू झाली आहे त्यामुळे लहान लहान मुले हाच रस्ता ओलांडून जात असतात. यामुळे अपघात होण्याचे प्रमाण वाढलेले आहे. १३ सप्टेंबर २०२१ रोजी पोलिस स्टेशन घुग्घुस इथे जडवाहनांची वाहतूक बंद करण्याकरिता घुग्घुस आम आदमी पार्टीतर्फे निवेदन देण्यात आले होते परंतु यावर अजून पर्यंत कुठलाही मार्ग निघालेला नाही आहे.
त्यामुळे गुरवार १४ ऑक्टोंबर २०२१ रोजी घुग्घुस आम आदमी पार्टीचे शहराध्यक्ष अमित बोरकर यांच्या नेतृत्वात घुग्घूस शहरातून कोळशाच्या जडवाहनांची वाहतूक बंद करण्याकरिता रस्ता रोको करण्यात आले. शहरातून कोळशाची वाहतूक सर्रास पने होत असून स्थानिक नगरपरिषद प्रशासनाचे याकडे दुर्लक्ष आहे. कोळशाची वाहतूक करण्याकरिता यांना शहरा बाहेरून जाण्याकरिता मार्ग आहे परंतु ०२ किलोमीटर अंतर वाचविण्याकरिता शहरातून वाहतूक केल्या जात आहे. याचा निषेध करत आम आदमी पार्टी घुग्घुस तर्फे रस्ता रोको आंदोलन करण्यात आले. या आंदोलना मध्ये आमच्या ज्या मागण्या होत्या त्या मागण्याचे आश्वासन आम्हाला देण्यात आले. ट्रकवर तिरपाल झाकण्यात यावी.तसेच ओवरलोड वाहतुक बंद करा.
रस्त्यावर दिवसातून किमान 4-5 वेळ पाणी मारण्यात यावे. रस्त्यावरील धूळ दर रोज साफ करण्यात यावी. रस्त्यावर पडलेले खड्डे बुजवण्यात यावे.
या मागण्या पूर्ण करण्याचे आश्वासन पोलीस प्रशासनातर्फे देण्यात आले. जर का या मागण्या पूर्ण झाल्या नाही तर या पेक्षाही तीव्र आंदोलन करण्यात येईल. सोबतच एका आठवड्यामध्ये जर का या समस्येचे निवारण करण्यात आले नाही तर आम आदमी पार्टीतर्फे उपोषण करण्यात येईल.
यावेळी आम आदमी पार्टीचे जिल्हा सचिव भिवराज सोनी, युवजिल्हाध्यक्ष मयूर राईकवार, जिल्हा मीडिया प्रमुख राजेश चेडगुलवार, महानगर सचिव राजू कुडे, घुग्गुस शहर अध्यक्ष अमित बोरकर , अभिषेक सपडी , सागर बिऱ्हाडे, आशिष पाझारे, विकास खाडे, प्रशांत सेनानी, थिरुमालेश, निखिल बारसागडे, संदीप पथाडे, रवी शंतलावार, अभिषेक तालपेल्ली, रजत जुमडे, सोनू शेट्टियार, करण बिऱ्हाडे, धनराज भोंगळे, दिनेश पिंपळकर, हंसराज नगराळे, प्रशांत रामटेके, दीपक निपाने, पांडेजी इत्यादी कार्यकर्ते उपस्थित होते.