राळेगाव तालुका प्रतिनिधी:-रामभाऊ भोयर (9529256225)

प्रथम एज्युकेशन फाउंडेशन ही संस्था शिक्षणावर नामख्याती मिळवून सगळीकडे शिक्षणाचे बीज रुजवून शैक्षणिक धोरण राबवत असते. अशातच संपूर्ण देशभरात प्रथम रीडिंग कॅम्प चालवत आहे. इयत्ता 3,4 आणि 5 वी च्या मुलांना वाचता यावे यासाठीचे वर्ग चालवण्याची प्रथमची प्रक्रिया म्हणजेच रीडिंग कॅम्प घेण्यात आला. या कॅम्पला विद्यार्थ्यांचा उत्स्फूर्त प्रतिसाद लाभला.
कोरोना महामारीच्या काळात सगळीकडे लॉकडाऊनचे पडसाद उमटले. अशातच शाळा देखील बंद राहिल्या. गेल्या दोन वर्षात विद्यार्थ्यांचे मोठ्या प्रमाणावर शैक्षणिक नुकसान झाले. आज शाळकरी मुले मराठी वाचताना सुद्धा अक्षम ठरलेल्या अवस्थेत आपल्याला बघायला मिळते आहे. त्यांचे कारण म्हणजेच शाळा बंद होय.महामारी ताळेबंद येणाऱ्या पिढीला मानसिक विकलांग बनवतील परिणाम देशाचा विकास खुंटतील. युवा वर्ग शिक्षणाअभावी अकार्यक्षम बनतील.
यासाठी शासन वेळोवेळी मार्ग शोधत आहे. सोबत प्रथम एज्युकेशनच्या माध्यमातून मुलांना गाव तेथे रिडींग कॅम्प या कार्यक्रमाला सुरुवात केली. आणि त्याचा प्रयोग म्हणून तालुक्यातील दोन गावातून सुरु करण्यात आला.23 दिवसाच्या या रिडींग कॅम्प वगाने चक्क मुलगा वाचायला लागतो. हा प्रयोग केवळ प्रथमच्या वर्गाने यशस्वी करून दाखविला. यावेळी सुसरी येथील स्वयंसेवक आशा नाण्हे ,पायल मांढरे, तसेच प्रथम यवतमाळचे क्लस्टर हेड आशिष इंगळे, केंद्र प्रमुख संदीप तंतरपाळे, मेंटर लीडर प्रमोद कांबळे, सह मेंटर उमेश धुरबडे यांच्या मार्गदर्शनात हा वर्ग काम करतो.

प्रथम’ संस्थेचे काम असे चालते-

कात्री येथे या वर्गाला सुरुवात केली असता गावातील युवकांच्या मदतीने त्याना स्वयंसेवक नेमले जातात. नंतर त्या गावातील 3.4 आणि 5 वी च्या विद्यार्थ्यांची प्राथमिक चाचणी घेतल्या जातात. चाचणी सुरुवातीस आणि अखेर चाचणी करतेवेळी व्हिडीओ घेतल्या जातात. त्या आधारावर तो वाचक, शब्द, अक्षर आणि बिगनर यातील कोणत्या गटात बसतो ते नेमून त्यांना वर्गीकृत केल्या जाते. नंतर वर्गाला विविध ऍक्टिव्हिटी करुन त्यांच्या 10 व्या आणि 20 व्या दिवसाने आणखी अंतिम चाचणी घेऊन त्यांचे तो वाचक झाल्याचे सिद्ध करून दाखवतात.