प्रशासनाने गांभीर्याने लक्ष देवून काम योग्य पद्धतीने पूर्ण करावे अन्यथा आंदोलनाचा इशारा वेळ प्रसंगी रस्त्यावर उतरू:
शिवसेना तालुकाप्रमुख विनोद काकडे

राळेगाव तालुका प्रतिनिधी-रामभाऊ भोयर (9529256225)

राळेगाव तालुक्यातील वरूड जहाँगीर हे गाव राळेगाव वरून दहा किलोमीटर अंतरावर असून अतिशय महत्वाच्या कामासाठी किंवा कार्यालयीन कामासाठी तालुक्याचे ठिकाण राळेगावलाच जावे लागते, अशातच मागील काही वर्षांपूर्वी प्रधानमंत्री ग्राम सडक योजनेतून या रोडचे काम करण्यात आले होते,तेव्हां या मार्गावरील वाटसरूनी सुटकेचा श्वास सोडला परंतु कालांतराने हा रस्ता वाढत्या वाहतुकीमुळे अत्यंत खराब झाला असून अशातच या रस्त्याचे काम मुख्यमंत्री सडक योजनेतून मंजूर झाल्याचे दिसून आले असून रस्त्याच्या दुतर्फा मशीनच्या सहाय्याने माती रोडलगत असलेली काळी मती टाकून दबाई करून लेव्हल मारणे सुद्धा सुरू झाले आहे परंतु त्यावर गीट्टा टाकून दबाई न केल्यास दोन्ही बाजूची माती मध्यभागी येऊन चिखल होऊन दोन चाकी वाहने स्लीप होऊन नेहमी पावसाचे दिवस असल्याने अपघात होत आहे, म्हणून लोकांची अत्यंत हाल अपेष्टा पाहता या झालेल्या दोन्ही बाजूला टाकलेली काळी माती याच्या वर योग्य पद्धतीने मुरूम टाकावा अन्यथा ठेकेदार व शासनाच्या विरुद्ध आक्रमक प्रवित्रा घेवू असे प्रतिपादन शिवसेना तालुका प्रमुख विनोद भाऊ काकडे यांनी केले तर वरूड ते पिंपळखुटी पर्यंत प्रवासी वाहतूक करणाऱ्या, आणि वाटसरूचे खुपच हाल होत आहे अशातच राळेगावला वरूडची लोकं कार्यालयीन कामासाठी मोठ्या प्रमाणात जात असल्यामुळे वरूडवासीयांचे जास्तीत जास्त हाल होत आहे.अशातच या परिसरातील लोकप्रतिनिधींनी या कामाला गती देण्यासाठी शर्तीचे प्रयत्न करावे सोबतच वरूड जहांगीर ग्रामपंचायत प्रशासनाने सुद्धा संबंधित विभागासोबत पत्रव्यवहार करून या कामाला गती देण्यासाठी सहकार्य करावे.त्याचप्रमाणे या मतदारसंघातील ईतर आजी,माजी लोकप्रतिनिधींनी पुढाकार घेऊन हे काम पूर्णत्वास नेण्यासाठी सहकार्य करणे गरजेचे आहे.अनेक दिवसांपासून या रस्त्यांनी वेगवेगळ्या प्रकारचे लोकप्रतिनिधी, प्रशासकीय अधिकारी यांच्या वाहनांची ये-जा झाली असताना हा रस्ता त्यांच्या निदर्शनास पडू नये ही तर मतदार संघातील मतदारांची चेष्टाच म्हणावी लागेल. करीता या रस्त्याच्या कामाला गती देऊन ताबडतोब पूर्ण करण्याची मागणी करण्यात येत आहे.