राळेगाव तालुका प्रतिनिधी-रामभाऊ भोयर (9529256225)

प्रभू श्रीराम जन्मोत्सव समिती इंदिरा नगर व आदर्श मंडळ राळेगाव चे वतीने आयोजित भव्य शोभायात्रेचा शुभारंभ दुर्गा माता मंदिर येथून झाला. यावेळी प्रभू श्रीराम व माता दुर्गा यांच्या प्रतिमेचे पूजन सौ. कमरुनीस्सा हमीदभाई पठाण नगरसेविका, सौ. पुष्पा विजय किन्नाके नगरसेविका, कुंदनभाऊ कांबळे नगरसेवक, मोहन पाटील उपपोलिस निरिक्षक, गंगाधरराव घोटेकार प्रचारक गुरुदेव सेवा मंडळ, सैय्यद युसुफअली स्वछता दूत सह मान्यवरांनी केले.
शोभायात्रा दरम्यान इंदिरा नगर व गांधी लेआऊट मधील लोकांनी शोभायात्रेत सहभागी राम भक्तांना पाणी व शरबत चे वाटप केले.
या शोभयात्रेचे मुख्य आकर्षण प्रभू श्रीराम, माता सीता, लक्ष्मण आणि पवनपुत्र हनुमान यांचे साक्षात दर्शन नागरिकांना झाले ते प्रभू श्रीराम यांच्या वेशभूषेत कु. जानवी दिलीप लांभाडे, माता सीता म्हणून सुहानी दिलीप लांभाडे, लक्ष्मण म्हणून मित दिलीप लांभाडे आणि पवनपुत्र हनुमान म्हणून दर्शिल मनोज भोयर यांच्या सुंदर अश्या भावमुद्रा आणि परिधानाने, भजन दिंडीने आणि बँड च्या तालावर “जय श्रीराम” च्या गजर करून नाचत आनंद साजरा करणाऱ्या युवक, महिला व बालगोपाल.
शोभायात्रा मार्गावर इंदिरा नगर व गांधी लेआऊट मधील माता भगिनींनी सुंदर व आकर्षक अश्या रांगोळी आपापल्या घरासमोर काढल्या होत्या. या शोभायात्रेमध्ये महिला पुरुष व बालगोपाल व युवकांनी सहभाग नोंदवला हे विशेष.
ही शोभायात्रा इंदिरा नगर मधून निघून गांधी लेआऊट येथील मुख्य मार्गाने जाऊन हनुमान मंदिर येथे शोभायात्रेचा समारोप करण्यात आला. आयोजकांनी उपस्थित व शोभायात्रेकरिता सहकार्य करणाऱ्या सर्वांचे सहकार्याबद्दल आभार मानले. यावेळी शोभायात्रा शांततेत पार पाडावी म्हणून पोलिसांनी चोख बंदोबस्त ठेवला होता.