तीन दिवसाचा पिसिआर
पोंभूर्णा :-
ट्रॅक्टर विक्रिचे अडकलेले पैसे काढून देण्याच्या बहाण्याने एका विधवा महिलेला पन्नास हजाराची खंडणी मागल्या प्रकरणी दोन राजकीय पुढाऱ्यांना अटक करण्यात आली असून त्यांना तीन दिवसाची पोलिस रिमांड कोठडी सुनावण्यात आली आहे. या घटनेमुळे राजकीय क्षेत्रात मोठी खळबळ माजली आहे.जामखुर्द येथील एका विधवा महिलेने आपल्या विकलेल्या ट्रॅक्टर विक्रिचे थकीत राहिलेले पैसे काढून देण्याचा झासा देऊन ५० हजारांची खंडणी मांगल्या प्रकरणी पोंभूर्णा तालुक्यातील दोन राजकीय पुढाऱ्यांना अटक करण्यात आली आहे.ऑल इंडिया पँथर सेनेचे जिल्हाध्यक्ष रुपेश निमसरकार व राष्ट्रवादी काँग्रेस पार्टीचे तालुका अध्यक्ष विजय ढोंगे यांच्या अटकेमुळे राजकीय क्षेत्रात मोठी खळबळ उडाली आहे.
आरोपींनी संगनमताने विधवा महिलेच्या लाचारीचा फायदा उचलून ट्रक्टर विक्रिचे थकीत राहिलेले तीन लक्ष रूपये काढून देतो म्हणून पन्नास हजार रुपयांची मागणी केली. सुरूवातीला फिर्यादीने आरोपींना वीस हजार रुपये दिले. उर्वरीत तीस हजार रुपयांच्या मागणीसाठी आरोपींनी फिर्यादीला पैसे मागण्याचा तगादा लावला. मात्र त्रस्त झालेल्या फिर्यादीने १० जून रोजी पोंभूर्णा पोलिस ठाण्यात दोन्ही आरोपींच्या विरोधात तक्रार दाखल केली. गुन्हा दाखल करून आरोपींना अटक करून न्यायालयात हजर केले असता न्यायालयाने दोघांना तीन दिवसाचा पिसीआर दिला.
घटनेचा पुढील तपास पुलिस अधिक्षक अरविंद साळवे यांच्या मार्गदर्शनात, उपविभागीय पोलिस अधिकारी मल्लीकार्जुन इंगळे यांच्या सुचनेनुसार ठाणेदार धर्मेंद्र जोशी करीत आहेत.
