राळेगाव तालुका प्रतिनिधी-रामभाऊ भोयर (9529256225)

वादळी पाऊस व विजांचा कडकडाटाचा अचूक अंदाज याची पूर्वसूचना नागरिकांना मिळावी याकरिता दामिनी ॲप विकसित केले आहे त्यासाठी सुजाण नागरिकांनी आपल्या अँड्रॉइड मोबाईल मध्ये हे दामिनी ॲप डाऊनलोड तर करावे परंतु दुसऱ्याला ही धोक्याची सूचना मिळाल्यास सांगावे असे आवाहन तहसीलदार डॉ रवींद्र कानडजे यांनी केले आहे.
मान्सून कालावधी साधारणपणे जून-जुलैमध्ये सुरू होतो या काळात विशेषत्वाने विज पडून जीवितहानी होत असते त्याचबरोबर आक्टोंबर महिन्यातही विजेच्या कडकडाटासह पाऊस येत असतो तेव्हा जीवितहानी होत असते तेव्हा जीवितहानी टाळण्यासाठी प्रतिबंधात्मक उपाय म्हणून पृथ्वी मंत्रालय भारत सरकार दिल्ली यांनी दामिनी ॲप तयार केले आहे सदरचे ॲप मोबाईल वरून गुगल प्ले स्टोअर वर उपलब्ध आहे त्यासाठी सुरक्षात्मक उपाययोजना म्हणून सर्व शासकीय यंत्रणा शासकीय अधिकारी कर्मचारी नागरिक सरपंच सदस्य ग्रामसेवक तलाठी पोलिस पाटील कृषी सेवक आदी कर्मचाऱ्यांनी हे ॲप डाऊनलोड करून इतरांना वापरासाठी प्रवृत्त करावे हे ॲप जीपीएस लोकेशन ने काम करीत असून विज पडण्याच्या १४ मिनिटापूर्वी सदरच्या दामिनी ॲप मध्ये प्रभावित होण्याची शक्यता असलेल्या क्षेत्राची दिशादर्शक स्थिती दर्शविण्यात येते वीज पडण्याची शक्यता तसेच वीज म्हणजे नेमके काय वीज कोसळणे याची शास्त्रीय माहिती आणि विजेपासून वाचण्यासाठी नागरिकांनी काय करायला पाहिजे जे याची सविस्तर सचित्र माहिती दामिनी ॲप मध्ये देण्यात आली आहे तसेच पाऊस व विजेचा कडकडाट असेल अशावेळी झाडाखाली थांबू नये असे आवाहनही तहसीलदार डॉ रवींद्र कानडजे यांनी केले आहे.