गेली दोन वर्ष आपण सर्वांनी कोरोनाचे कडक निर्बंध पाळत स्वयंम शिस्त अंगीकारली गर्दीच्या ठिकाणी जाण्याचे टाळले तसेच शासनाच्या नियमाचे तंतोतंत पालन करीत सार्वजनीक उत्सवालाही मुरड घातली.अजून कोरोना महामारीचा धोका कायम आहे.अगामी काळातील सण,उत्सव साजरे करतांना कोरोना महामारीचा फैलाव होणार नाही तसेच कायदा व सुव्यवस्थेचा प्रश्न निर्माण होणार नाही याची खबरदारी पोलीसांसह समाजातील नागरीकांची देखील असल्याचे प्रतिपादन अप्पर पोलीस अधीक्षक यवतमाळ डाॅ.खंडेराव धरणे यांनी केले.
सोमवार दिनांक 08 आॅगस्ट 2022 रोजी सायं.04 वाजता स्थानिक आर्यवैश्य भवन मंगल कार्यालयात पार पडलेल्या शांतता कमीटीच्या सभेच्या अध्यक्ष स्थानावरून ते बोलत होते.पुढे बोलतांना ते म्हणाले की,गणेश मंडळाातील कार्यकर्त्यांनी आपल्या गणेश मंडळाची धर्मआयुक्ताकडे नोंदणी करणे गरजेचे आहे.तसेच स्थानिक कार्यालयातून जसे की ग्रामपंचायत,पोलीस स्टेशन,नगरपंचायत यांच्याकडून नाहरकत प्रमाणपत्र पोलीस स्टेशन कडून स्पीकर परवाना व मिरवणूकीसाठी परवाना मिळवीणे गरजेचे आहे.
पोळा,रक्षाबंधन,गौरी गणपती इ.सण साजरे करतांना सामाजीक बांधीलकी जोपासत समाज हिताचे उपक्रम राबवा.त्यामध्ये रक्तदान शिबीर घ्या आजच्या तरूण पिढीचे भविश्य सोशल मिडीयाने धोक्यात आणले आहे.त्यांना योग्य मार्गदर्शनाची गरज असून तरूण पिढीला दिशा देणारे उपक्रम राबविल्यास समाजातील अनिष्ट चाली रीतीला आळा बसेल असेही त्यांनी मनोगतातून व्यक्त केले.
यावेही प्रमुख अतिथी म्हणून उपस्थित असलेले कृषी उत्पन्न बाजार समितीचे सभापती बाळासाहेब चंद्रे पाटील यांनी ढाणकी शहरातील बंद असलेले पथदिवे आणि अतिवृष्टीने चिखलमय झालेल्या रस्ते इत्यादी समस्यांवर भाष्य करतांना बिटरगाव पोलीस स्टेशन च्या अपुऱ्या कर्मचाऱ्याचा मुद्दाही उपस्थीत करूण अध्यक्षांना वाढीव कर्मचारी देण्याची मागणी लावून धरली.माजी पं.स.सभापती खाॅजाभाई कुरेशी यांनी आगामी काळात साजरे होणारे सण उत्सव दरम्यान कोणताही अनुचीत प्रकार घडणार नाही याची हमी देत या शहरात गुणा गोवींदाने राहणाऱ्या समाज बांधवांची व विविध जाती धर्माच्या लोकांची शांतता राखण्याबाबत प्रशंसा केली.एक मेकांच्या उत्सवात सामील होवून आपल्या एकतेचे प्रतीक देण्याचे उदा.दिले.उमरखेड तहसीलदार आनंद देऊळगावकर यांनी अतिवृष्टीच्या पावसाने शेतकऱ्याच्या पिकांचे अतोनात नूकसान झाले.अशा परिस्थीतीत हवालदिल झालेल्या शेतकऱ्यांना सरसकट मदत देण्याचे आश्वासन देवून शेतकऱ्याच्या दुःखावर फुुंकर घातली.नगराध्यक्ष सुरेष जयस्वाल यांनी आपल्या तिन वर्षाच्या नगराध्यक्ष पदाच्या कार्यकाळात विविध विकास कामे हाती घेवून त्याचा पाठ पुरवठा करत असल्याची कबुली देत पोलीस स्टेशनच्या बांधकामासाठी पाच एकर जमीण आरक्षीत केल्याचे सांगीतले.
यावेळी माजी जि.प.सदस्य रामराव गायकवाड,वंचीत बहूजन आघाडीचे जिल्हा महासचीव जाॅन्टी विणकरे ,व्यापारी संघाचे अध्यक्ष अनिल येरावार,यांनीही यावेळी आपले मनोगत व्यक्त केले.
कार्यक्रमाचे प्रास्तावीक जाॅन्टी विणकरे यांनी केले तर आभार बिटरगाव पोलीस स्टेषनचे ठाणेदार प्रताप भोस यांनी मानले.
कार्यक्रमाच्या यशस्वीतेसाठी पोलीस उपनिरीक्षक कपील मस्के,दराटी पोलीस स्टेशनचे ठाणेदार भरत चपाईतकर,ढाणकी बिट जमादार मोहन चाटे भालेराव,सतीश चव्हाण,रवि गीते,गजानन खरात ,श्री हाके ,बीटरगाव बिट जमादार विद्या राठोड यांनी अथक परीश्रम घेतले.कार्यक्रमाचे बहारदार सुत्र संचालन करत नागेष महाजन यांनी उपस्थितांना खीळवून ठेवले.सभेला बिटरगाव पोलीस स्टेशन कार्यक्षेत्रातील सरपंच,उपसरपंच,पोलीस पाटील,व्यापारी व समाजातील सामाजीक कार्यकर्त्यांनी मोठी गर्दी केली होती.

ढाणकी प्रतिनिधी:प्रवीण जोशी