प्रतिनिधी :प्रफुल्ल ठाकरे मारेगाव

मारेगाव तालुक्यात पावसाची टक्केवारी कीती झाली हे मोजण्यासाठी पाच मंडळाच्या ठीकाणी पाच पर्जन्यमापक यंत्र बसविण्यात आले. मात्र बहुतांश पर्जन्यमापक यंत्र नादुरुस्त असल्याची माहीती असुन पावसाची टक्केवारी ही अंदाजीत किंवा ऑनलाईन पुरविली जात असल्याने टक्केवारीत कमी अधिकपणा आल्याने शासनाच्या मिळणाऱ्या मदती पासुन शेतकरी दुर राहत आहे. त्यामुळे पर्जन्यमापक यंत्रणेत सुधारणा करण्यात यावी अशी शेतकऱ्यांकडून मागणी होत आहे.
तालुक्यात महसूल विभाग मारेगाव, कुंभा, बोटोणी, मार्डी, व वनोजा (देवी) या पाच मंडळात विभागला असुन या पाच मंडळाच्या ठीकाणी तालुक्यातील पर्जन्यमान मोजण्यासाठी कृषी विभागा मार्फत पर्जन्य मापक यंत्र बसविली आहे. पाऊस कीती कोसळला याचे मोजमाप करून कोणत्या महसूल मंडळात किती एम एम पाऊस कोसळला याची दैनंदिन नोंद घेऊन पावसाच्या स्थितीचा आढावा घेतला जात आहे.या आकडेवारी वरून ओला, कोरडा दुष्काळ कोणत्या मंडळात आहे हे ठरविण्याचे काम या पर्जन्यमापक यंत्राच्या सहाय्याने व प्रत्यक्ष पाहणी करुन ठरविण्यात येते.
यातील सर्व पर्जन्यमापक यंत्र सुरळीत व योग्य काम करीत असून अचूक माहिती देत असल्याचे तालुका प्रशासनाकडून सांगण्यात येत असले तरी काही ठिकाणची पर्जन्यमापक यंत्रे फक्त शोभेची वस्तु ठरत आहे. माहीती घेण्याचा प्रयत्न केला असता काही मंडळातील पर्जनमापक यंत्र बंद असून अचूक पाऊस मोजला जात नसल्याबद्दल शेतकऱ्यात बोलले जात आहे.
(संग्रहीत फोटो घ्यावा)

      Box
     

पर्जन्यमापक यंत्र हे महसुल प्रशासन व शेतकऱ्यामधला दुवा असुन प्रत्यक्ष पाहणी व पावसाची टक्केवारी यामधुनच ओला तथा कोरडा दुष्काळ ठरविण्यात येत असावा. तालुक्यातील शेतकऱ्यांच्या सांगण्यानुसार बरेचदा या मंडळात ओला वा कोरडा दुष्काळ असताना ही पावसाची स्थिती समाधान कारक दाखवली जात असल्याने, शेतकऱ्यांना शासकीय मदती पासून वंचित रहावे लागत असल्याने या यंत्रणेचा आर्थिक फटका शेतकऱ्यांना बसत आहे. त्यामुळे पर्जन्यमापक यंत्रणेत सुधारणा करुन शेतकऱ्यांना दिलासा द्यावा.