कृष्णा चौतमाल ता. प्रतिनिधी हदगाव मो नं ७७१९८६९०९१
हदगांव – हदगांव हिमायतनगर मतदार संघाचे आमदार माधवराव पाटील जवळगांवकर यांच्या हदगांव च्या निवास्स्थानी अज्ञात चोरट्यांनी घरफोडी करून सुमारे २० अँड्रॉइड मोबाईल फोन लंपास केल्याची घटना समोर आली आहे. यावेळी चोरट्यांनी सीसीटीव्ही फोडून त्यांच्या घरामध्ये प्रवेश केल्याचे सांगण्यात येते. घटनास्थळाला वरिष्ट पोलीस अधिकाऱ्याने श्वान पथकासह भेट देऊन पाहणी केली.
आमदार माधवराव पाटील जवळगावकर आपल्या परिवारासोबत नांदेड येथील हनुमान गढ परिसरात राहतात. आपल्या मतदारसंघातील विविध कामासाठी त्यांचे हदगांव येथे निवास्स्थानी सम्पर्क कार्यालय आहे. या कार्यालयातील मतदारसंघातील दिव्यांग बांधवाना वाटप करण्यासाठी त्यांनी २०० मोबाईल फोन आणले होते. त्यांनी आणलेले फोन आपल्या सम्पर्क कार्यालयाच्या किचन रूम मध्ये ठेवले होते. परंतु चोरट्याने शनिवारी दि २० ऑग रोजी त्यांच्या संपर्क कार्यालयाचे मुख्य द्वार फोडून किचन रूम चा दरवाजा उघडला . किचन रूम मध्ये ठेवलेले मोबाईल चोरट्यांनी लंपास केले.
ही घटना रविवारी दि २१ ऑगस्ट रोजी सकाळी समजताच आमदार जवळगांवकर यांच्या कार्यकर्त्यांनी संपर्क कार्यालयाकडे धाव घेतली. याबाबत माजी नगराध्यक्ष अमित अडसूळ व इतर नगरसेवकांनी हदगांव पोलिसांना कळविले. यावेळी पोलीस निरीक्षक हनुमंत गायकवाड यांनी घटनास्थळाला भेट दिली. यावेळी पोलीस श्वान पथकालाही पाचारण करण्यात आले. स्थानिक गुन्हे शाखेच्या पथकानेही आमदार जवळगांवकर यांच्या निवास्स्थानाला भेट दिली असे समजते . यावेळी गुन्हा दाखल करण्याची प्रकिया सुरु होती. पोलिसांनी आमदार जवळगावकर यांच्या संपर्क कार्यालयातील एका कर्मचाऱ्यास ताब्यात घेतले. असून त्याची कसून चौकशी सुरु आहे. लवकरच या प्रकरणाचा उलगडा होण्याची शक्यता पोलिसांनी बोलून दाखवली.
