वरोरा-चिमूर मार्गावरील बामनडोह नाल्याजवळ दुचाकी वाहनास अज्ञात वाहनाने जोरदार
धडक दिली.. या अपघातात मयुरी नागतोडे ही युवती जागीच ठार झाली तर प्रशांत जांभुळे नामक युवक गंभीरित्या जखमी झाला आहे. अपघाताची ही घटना रविवारी रात्री दोन वाजताच्या सुमारास घडली .
त्याच्यावर वरोरा येथील उपजिल्हा रुग्णालयात उपचार सुरू आहे.मृत युवतीचे नाव मयुरी गजानन नागतोडे (वय २० आहे. गंभीररीत्या जखमी झालेला तो युवक सध्या काही सांगण्यास नकार देत आहे.
जखमी युवक प्रशांत संतोष जांभूळे(वय 25 वर्ष), मयुरी गजानन नाकतोडे हे दोघेही मुक्ताई धबधबा बघावयास गेल्याची चर्चा सुरू आहे. दोघेही एकाच गावातील रहिवासी आहे.जखमी व मृत एकाच वॉर्डातील यवतमाळ जिल्ह्यातील पिंपळगाव येथील रहिवासी आहे. एमएच २९ ए.झेड २८८९ या क्रमांकाच्या वाहनाने चिमूरवरून वरोऱ्याकडे येत होते . पुढील तपास शेगाव पोलिस करीत आहे. या अपघाताची माहिती दोघांच्याही कुटुंबीयाला देण्यात आली. दोन्ही कुटुंबातील सदस्यांना माहिती देण्यात आली आहे .माहिती मिळताच कुटुंबीयांनी वरोरा येथील उपजिल्हा रुग्णालय गाठले.