प्रतिनिधी, प्रवीण जोशी
ढाणकी
यावर्षी वरूणराजा बराच उशिरापर्यंत बरसत राहिला आणि वसुधा अर्थातच पृथ्वी पाण्याने तृप्त झाली असली तरी यावेळी थंडीची चाहूल किमान पंधरा दिवसांनी उशिराने जाणवत आहे.
सध्याची परिस्थिती बघितली असता थंडीने आपले रुपडे दाखवायला सुरुवात केली तशी उबदार कपडे खरेदी करण्यासाठी शहरातील नामांकित दुकानात उबदार कपडे खरेदी करायला गर्दी होत असताना दिसत आहे तसेच लहान मुलांसाठी विविध रंगाची व रंगीबिरंगी रंगाची उबदार कपडे खरेदी करण्यास लहान मुले अगदी उत्सुक दिसत आहे. उबदार कपड्यांनी बाजारपेठ सजली आहे. तसेच यंदा उबदार कपड्यांच्या दरांमध्ये थोडीफार वाढ झाल्याने ढाणकी करांना अधिकची रक्कम मोजावी लागत आहे. यापूर्वी लोकरी पासून स्वेटर बनवली जायचे मात्र यात आता बदल झालेला दिसतो.
चौकट
सध्या थंडीचे प्रमाण वाढले असून दुकानांमध्ये उबदार कपड्याची मागणी वाढली आहे महाविद्यालयीन विद्यार्थी तसेच सकाळी पाणी देण्यासाठी शेतकऱ्यांना जावे लागते त्यामुळे शेतकरी वर्ग सुद्धा थंडीपासून संरक्षण करण्यासाठी उबदार कपडे खरेदी करताना दिसतो आहे. व शाळकरी मुले शासकीय कर्मचारी की ज्यांना सकाळी कार्यालयात जावे लागते अशी कर्मचारी मंडळी उबदार कपडे खरेदी करताना बाजारपेठेत दिसत आहे. आहे व खास चोखंदळ ग्राहकासाठी स्वेटर चे अनेक प्रकार उपलब्ध करून देण्यात आले आहे .
निलेश येरावार.
तिरुपती वस्त्रालय ढाणकी.
