भालर :- येथून जवळच असलेल्या कोलार पिंपरी शिवारात गुरे चाराईसाठी गेलेल्या गुराख्यावर वाघाने हल्ला केला असून गुराख्याचे अर्धखाल्लेले शरीर आढळून आल्याने संपूर्ण तालुक्यात एकच खळबळ माजली असून या नरभक्षी वाघाचा बंदोबस्त करण्यासाठी वनविभाग फेल ठरत आहे. ही घटना आज ता. २८ रोजी सकाळी उघडकीस आली असून रामदास पिदूरकर मृत्य व्यक्तीचे नाव आहे.
कोलार पिंपरी येथील रामदास पिदूरकर वय ५० हे गुराखी असून गावातील गुरे ढोरे चारून आपला उधर निर्वाह करीत होते. ते गुरे चराई करिता ता.२७ रोजी गेले असता ते घरी परत आलेच नाही शेवटी त्यांच्या शेतशिवर भागात शोध घेतला असता आज सकाळी त्यांचे अर्धखाल्लेले शरीर आढळून आले. या भागात मागील काही दिवसांपासून नरभक्षी वाघाचा संचार सुरू असून वनविभागाकडून त्याचा बंदोबस्त व्हायला पाहिजे होता परंतु वनविभाग मात्र हातावर हात देऊन बसून असल्याने सातत्याने वाघ शेतातील काम करणारे शेतकरी, शेतमजुरांवर हल्ले करून त्यांचे लचके तोडत आहे. त्यामुळे संपूर्ण तालुक्यात रोषव्यक्त केला जात असला तरी सतेतील लोकप्रतिनिधी मात्र निद्रावस्थेत दिसून येत आहे. तरी तात्काळ नरभक्षी वाघाचा बंदोबस्त करावा अशी मागणी जोर पकडत आहे.
