वर्धमान जैन धर्म स्थानक मध्ये चातुर्मास मोठ्या उत्साहात व थाटात सुरू आहे. स्थानक मध्ये आचार्य भगवान १००८ श्री रामलालजी म. सा. यांच्या आज्ञानुवर्तिनी शासन दीपिका महासती सुभक्ती श्री जी म. सा.,साध्वी सुरूचा श्रीजी म. सा., साध्वी दीपिका श्रीजी म. सा. साध्वी निर्वेद श्रीजी म. सा. ठाणा ४ हे विराजमान आहेत. संत सानिध्याचा लाभ घेत बाभुळगाव येथील जैन समाजातील बंधु भगिनी व इतर समाज बांधव सुद्धा तपश्चर्या करीत आहेत, हे विशेष. दरम्यान या ठीकाणी तप आराधना मोठ्या उत्साहात सुरू आहे. बाभुळगाव येथील स्व. निर्मलचंद तातेड यांची पुत्रवधु प्रसिद्ध व्यवसायिक निखील तातेड यांच्या धर्मपत्नी सौ. सोनल तातेड यांनी ११ दिवसीय उपवास तप पुर्ण केले. त्यांच्या तपश्चर्येचे अनुमोदन करण्याकरिता व शुभेच्छा देण्याकरिता पुणे, नाशिक, जळगाव, यवतमाळ इत्यादी शहरातील समाज बांधव उपस्थित होते. जैन स्थानक बाभुळगाव येथे संत सानिध्यात दररोज सकाळी ८.३० ते ९.३० या वेळेत प्रवचन होत आहे. या ठीकाणी भारतातील विविध भागातून श्रावक वर्ग संत दर्शन, वंदन करण्याकरिता व धर्म लाभ घेण्यासाठी येत आहे.
