रामभाऊ भोयर राळेगाव
मराठा आरक्षणाच्या समर्थनार्थ महाराष्ट्रात सर्वात प्रथम खासदार पदाचा राजीनामा देऊन ओबीसीना डिवचणाऱ्या खा.हेमंत पाटील यांच्या धर्मपत्नी यांना यवतमाळ वाशीम लोकसभा मतदार संघाची उमेदवारी देऊन ओबीसीना आव्हान दिले आहे.या मतदार संघात निष्ठावंताना डावलून आयारामाना संधी दिल्यामुळे कार्यकर्त्यां मध्ये असंतोष पसरला असून आयारामचे डिपॉझिट जप्त करण्या साठी कार्यकर्त्यांनी संकल्प केला असून सर्व साळी, माळी, तेली, तांबोळी, बंजारा,धनगर, हटकर, वंजारी इत्यादी सर्व ओबीसीनी आयारामाना त्यांची जागा दाखूवून देण्याचा संकल्प केला आहे. ओबीसींच्या आरक्षणाचा गळा घोटून ओबीसीचे राष्ट्रीय नेते छगनराव भुजबळ यांना शिवीगाळ करणाऱ्या जारंगे सारख्या गावंढळ व्यक्तीला पाठींबा देणा-या व मतदार संघात आयात केलेल्या उमेदवारास आपण खासदार बनविणार आहात काय.? सर्व ओबीसी याचा नक्कीच विचार करून हिशोब चुकता करतील तसेच आदिवासी समाजातील डॉक्टर जे डिन सारख्या उच्च पदावर कार्यरत होते त्यांना मेडिकल कॉलेजमधील संडासगृह साफ करण्यास भाग पाडून त्यांचा व समाजाचा अपमान करणाऱ्या खासदार हेमंत पाटील यांच्या पत्नी बाहेरच्या जिल्ह्यातुन येऊन आपल्या मतदार संघात निवडणूक लढवीत आहेत. जातीयवादी विचारसरणी असलेल्या अशा नेत्यांना धडा शिकवण्याची फार आवश्यकता आहे.यांना आदिवासी व ओबीसीचं एकही मत मिळणार नाही याची खबरदारी घेऊन आदिवासी व ओबीसी समाजाने ही मिळालेली संधी वाया जाऊ न देता हा बाहेर जिल्ह्यातुन आयात केलेला उमेदवार जसाच्या तसा त्यांच्या जिल्ह्यात निर्यात करावा असे आवाहन निष्ठावंत कार्यकर्त्यांनी ओबीसी बांधवाना केले आहे.
