सहसंपादक : रामभाऊ भोयर
शेतकरी संघटनेचे संस्थापक युगात्मा शरद जोशी यांनी जीर्णोद्धार केलेल्या यवतमाळ जिल्ह्याच्या राळेगाव तालुक्यातील रावेरी येथील प्राचीन सीता मंदिर परिसरात सीतानवमीच्या पावन पर्वावर शनिवार, १७ मे २०२४ शुक्रवार ला दुपारी १.०० वाजता स्वयंसिद्धा सीता सोहळ्याचे आयोजन केले आहे.
या सोहळ्यात महाराष्ट्रातील सहा महिलांना स्वयंसिद्धा सीता सन्मान प्रदान केला जाणार आहे. सीतानवमी दिनी प्राचीन सीता मंदिर प्रांगणात होणाऱ्या सोहळ्याला मोठ्या संख्येने उपस्थित राहण्याचे आवाहन आयोजकांनी केले आहे.
ज्या महिलांनी पतीच्या निधनानंतर किंवा घटस्फोटानंतर हिंमत न हारता संयमाने विपरीत परिस्थिती व समाजव्यवस्थेशी
संघर्ष करून आपल्या पाल्यांना लवकुशांप्रमाणे पायावर उभे करून आत्मनिर्भर, समाजातील प्रतिष्ठित व सन्माननीय नागरिक म्हणून घडवले आहे, अशा कर्तृत्ववान धैर्यशील मातांचा भावपूर्ण सत्कार करण्यात येणार आहे.
यावर्षी १) श्रीमती राधा जसराज केला आर्वी जिल्हा वर्धा २) श्रीमती नंदा शालिक बुरडकर, चंद्रपूर ३) श्रीमती विठाबाई बाजीराव मून, चंद्रपूर ४) श्रीमती लता मनोहर ढवस, भेंडाळा चंद्रपूर ५) श्रीमती पुष्पा मोहन काकडे, रावेरी जि. यवतमाळ ६) श्रीमती छाया निर्दोष पिदुरकर, गडचांदूर जि. चंद्रपूर
या सहा कर्तबगार महिलांना स्वयंसिद्धा सीता पुरस्काराने गौरवण्यात येणार आहे.
अध्यक्षस्थानी शेतकरी संघटनेचे ज्येष्ठ नेते माजी आमदार ऍड. वामनराव चटप राहणार असून उद्घाटक ऍड. दिनेशजी शर्मा प्रमुख अतिथी शेतकरी संघटनेचे अध्यक्ष मा. ललितदादा बहाळे, शेतकरी महिला आघाडीच्या प्रज्ञाताई बापट, शैलाताई देशपांडे, मधुसूदन हरणे, सतीश दाणी, रावेरी सरपंच राजेंद्र तेलंगे, वर्षा तेलंगे, रंजना मामर्डे हनुमान देवस्थान ट्रस्ट अध्यक्ष बाळासाहेब देशमुख, नारायणराव काकडे, संदीप तेलंगे, विनोद काकडे, महेश सोनेकर आहेत.
सोहळ्याला महिला व नागरिकांनी मोठ्या संख्येने उपस्थित राहावे, असे आवाहन रेखा हरणे, मनोरमा मुटे, अल्का दानी, उषा दरणे, राजश्री झोटींग, अश्विनी धाडवे, रेखा काकडे, वर्षा तेलंगे शेतकरी संघटना महिला आघाडी, हनुमान देवस्थान ट्रस्ट, सीता नवमी महिला उत्सव समिती, ग्रामपंचायत कमिटी रावेरी, रावेरी गावकरी मंडळी व सर्व बचतगट सदस्य यांनी केले आहे.
