महागाव प्रतिनिधी -संजय जाधव
उमरखेड तालुक्यातील गट ग्रामपंचायत टाकळी अंतर्गत येणाऱ्या जिल्हा परिषद प्राथमिक मराठी शाळा पिंपळवाडी येथील उपक्रमशील शिक्षक श्रीधर नरवाडे यांनी शाळेतील विद्यार्थ्यांसाठी त्यांच्या वाढदिवसानिमित्त एक अनोखी आणि प्रेरणादायी कृती केली आहे. त्यांनी शालेय विद्यार्थ्यांसाठी शैक्षणिक साहित्य वाटप करून आपला वाढदिवस साजरा केला. या उपक्रमात विद्यार्थ्यांना नवीन पुस्तिका, लेखन साहित्य, गणितीय साधने आणि इतर शैक्षणिक सामग्री वितरित करण्यात आली.
या खास प्रसंगी शिक्षकांनी विद्यार्थ्यांना शैक्षणिक यशस्वीतेसाठी प्रेरित केले आणि शिक्षणाच्या महत्वाबद्दल स्पष्ट केले. या उपक्रमामुळे विद्यार्थ्यांना आवश्यक साधनं मिळाली आणि त्यांच्या अभ्यासात एक नवा उत्साह निर्माण झाला.
शाळेतील सर्व शिक्षक आणि विद्यार्थी या उपक्रमामुळे आनंदित असून, भविष्यातही अशा सकारात्मक उपक्रमांचे आयोजन सुरू ठेवण्याची अपेक्षा त्यांनी व्यक्त केली आहे. शिक्षणाच्या क्षेत्रात अशा प्रेरणादायी कृतींची निरंतरता असेल हेच अपेक्षा त्यांनी व्यक्त केली यावेळीजिल्हा परिषद प्राथमिक मराठी शाळेचे मुख्याध्यापक विनोद चव्हाण सर शाळा व्यवस्थापन समितीचे अध्यक्ष गजानन जाधव व सर्व समितीचे सदस्य उपस्थित होते
