सहसंपादक : रामभाऊ भोयर

राष्ट्रीय महामार्ग क्रमांक ४४ वर अचानक एका ट्रकला पाठीमागून आयशर ट्रकने दिलेल्या धडकेत आयशर चालक गंभीर जखमी झाला.हा अपघात शुक्रवार दिनांक 18 जुलै रोजी पहाटे चार वाजता च्या दरम्यान देवधरी घाटात घडला.
पवन कल्याण (२६) रा,नडियाल आंध्रप्रदेश असे जखमी आयशर ट्रक चालकाचे नाव आहे.
मिळालेल्या माहितीनुसार ए पी ३९ टी एक्स ६८८८ या क्रमांकाचा आयशर ट्रक नागपूर येथून पंख्याच्या माल घेऊन हैदराबादच्या दिशेने जात होता. दरम्यान नॅशनल हायवे क्रमांक 44 वरील देवधरी घाटात आयशर ट्रकच्या चालकाने एका ट्रकला मागाहून जोरदार धडक दिली. ही धडक एवढी भीषण होती की आयशर ट्रकच्या कॅबिनचे मोठे नुकसान होऊन चालक हा गंभीर जखमी झाला. या अपघातामुळे महामार्गावरील वाहतूक काही काळ ठप्प झाली होती.घटनेची माहिती मिळताच महामार्गाची चमू व वडकी पोलीस ठाण्यातील खैरी बीट जमादार अमोल चौधरी अंकुश पाथोडे चालक अमीर कींनाके यांनी लगेच घटनास्थळाला भेट दिली व अपघातातील ट्रकला बाजूला करून महामार्गाची वाहतूक सुरळीत केली.