सहसंपादक : रामभाऊ भोयर
ज्यांच्या हातात सत्तेच्या किल्ल्या आहे, त्यांच्यावर अंकुश ठेवण्यात आला तरच शोषणमुक्त समाजाची निर्मिती होऊ शकते. यासाठी संघटना बळकट करण्याची, सक्रियता व कामात गुणवत्ता वाढविण्याची गरज असल्याचे मत अखिल भारतीय ग्राहक पंचायतचे विदर्भ प्रांत अध्यक्ष प्राचार्य डॉ. नारायणराव मेहरे यांनी राळेगाव तालुका ग्राहक पंचायत शाखा व झाडगाव, वडकी खैरी ग्रामीण शाखेची कार्यकारणी जाहीर करण्या प्रसंगी झालेल्या ग्राहक पंचायतच्या कार्यकर्त्यांच्या बैठकीत अध्यक्ष स्थानकावरून बोलताना केले. उत्पादन शुल्क अधिक वाजवी नफा घेण्या एवजी एमआरपीच्या माध्यमातून ग्राहकांची मोठ्या प्रमाणावर लुट सुरू असल्याचे त्यांनी सांगितले. विविध क्षेत्रातील लोक शिक्षक, शेतकरी, शेतमजूर आदींना सुद्धा ग्राहक पंचायत चळवळीशी जोडण्याचे त्यांनी आवाहन केले. ज्या समाजाकडून सन्मान मिळतो त्यांच्याकरिता काम करण्याची आपली जबाबदारी असल्याचे त्यांनी पुढे सांगितले.
जिल्हा ग्राहक पंचायतचे अध्यक्ष अनंतराव भिसे, जिल्हा सहसचिव जितेंद्र बंगाले,
विदर्भ प्रांताचे सहकोषाध्यक्ष
संतोष डोमाळे, जिल्हा उपाध्यक्ष डॉ. कैलासचंद वर्मा, शोभाताई इंगोले मंचावर उपस्थित होते.
वरील मान्यवरासह यावेळी ग्राहक पंचायतचे तालुका अध्यक्ष मोहन देशमुख, छायाताई पिंपरे यांचा राळेगाव तालुका कार्यकारणी तर्फे शाल श्रीफळ देऊन सत्कार करण्यात आला.
प्रास्ताविक तालुका अध्यक्ष मोहन देशमुख यांनी केले. जिल्हाध्यक्ष भिसे यांनी समयोचित विचार व्यक्त करून तिनही ठिकाणच्या कार्यकारिणी जाहीर केल्या.
डा. वर्मा, मोहन देशमुख, विनय मुणोत, भूपेंद्र कारीया, डाॅ. अश्विनी थोडगे, राजेश काळे, नंदकुमार टिपनवार यांनी समयोचीत विचार मांडले. संचालन राजेश काळे यांनी आभार डॉ. थोडगे यांनी मानले.
