सहसंपादक : रामभाऊ भोयर

अखिल भारतीय विद्यार्थी परिषद हे शैक्षणिक आणि सामाजिक क्षेत्रात काम करणारी जगातली सर्वात मोठी विद्यार्थी संघटन आहे हे आपण जाणताच यावर्षी अभावीपने देशभरात 76,98,448 सदस्यता करून पुन्हा एकदा जगातील सर्वात मोठे विद्यार्थी संघटन म्हणून विक्रम प्रस्थापित केला. विद्यार्थी परिषद दरवर्षी आपले प्रांत अधिवेशन करत असते या अधिवेशनात प्रांतातील कानाकोपऱ्यातून मोठ्या प्रमाणात युवा तरुणाई विद्यार्थी एकत्रित येत असतात या अधिवेशनात विविध शैक्षणिक व सामाजिक समस्यांवर सर्व विद्यार्थ्यांचे मत घेऊन त्या समस्या सोडविण्यासाठी प्रस्ताव पारित होतात.

विद्यार्थी परिषदेचे अधिवेशन म्हणजे तरुणाई मध्ये उर्जा, उत्साह पूर्ण वातावरण निर्माण करण्याचे एक कार्य होय. यात विद्यार्थ्यांच्या मनामध्ये विविध विषय चालू असतात त्या विषयांना हात घालत त्यापैकी महत्त्वाचे सध्या स्थितींवर आधारित विषयांवर भाषणही होत असतात. सोबतच भव्य दिव्य अशी शोभायात्रा निघून त्यामध्ये सुद्धा युवा नेतृत्वाला मंच मिळत असते. सोबतच प्रांत अधिवेशनात प्रदेशाचे नूतन अध्यक्ष, मंत्री आणि कार्यकारणी घोषित होत असते जी संपूर्ण वर्षभरात कार्यरत असते.

अशा या भव्य दिव्य आणि तरुनाईला दिशा देणारे, प्रेरणा देणारे व नेतृत्वाला मंच देणारे यंदा विदर्भ प्रांताचे ५४ वे अधिवेशन दि. ०९,१० व ११ जानेवरी २०२६ ला गडचिरोली येथे आयोजित करण्यात आले आहे. गडचिरोली येथे पहिल्यांदाच विदर्भ प्रांताचे अधिवेशन होत आहे या पार्श्वभूमीवर आज अधिवेशन कार्यालयाचे उद्घाटन व मान्यवरांच्या शुभ हस्ते अधिवेशनाच्या लोगोचे विमोचन करण्यात आले. याप्रसंगी अभाविप चे पूर्व कार्यकर्ता श्री बाबुराव कोहडे, राष्ट्रीय मंत्री सुश्री पायल किनाके, प्रांत संघटन मंत्री विक्रमजीत कलाने, राष्ट्रीय कार्यकारिणी सदस्य प्रा.धर्मेंद्र मुनघाटे, विभाग संघटन मंत्री राहुल शामकुवर यांच्या उपस्थितीत होते.