सहसंपादक : रामभाऊ भोयर
राळेगाव येथील संस्कृती संवर्धन विद्यालय, राळेगाव या शाळेची एक दिवसीय शैक्षणिक सहल शिक्षण विभागाच्या परवानगीने नुकतीच पार पडली.यामध्ये शालेय विद्यार्थी व शिक्षक- शिक्षकेत्तर कर्मचारी उपस्थित होते.मुख्याध्यापक श्री.दिनकर उघडे सर यांनी महामंडळाच्या बसचे विधिवत पूजन करून सहलीला सुरुवात केली व शुभेच्छा दिल्या.
सर्वप्रथम विद्यार्थ्यांना सेवाग्राम येथील महात्मा गांधीजी ‘बापूकुटी ‘प्रत्यक्ष दाखवून तेथील स्वयंसेवकांनी विद्यार्थ्यांना माहितीपर मार्गदर्शन केले.यानंतर विदर्भातील धार्मिक श्रद्धास्थान असलेले कोराडी येथील महालक्ष्मी मंदिर व स्वामीनारायण मंदिर, नागपूर येथील दर्शन घेण्यात आले.नागपूर येथील द्वारका वॉटर पार्क मध्ये विद्यार्थ्यांनी मनसोक्त जलतरणाचा आनंद लुटला व तेथील भव्य मत्स्यालय, विविध प्रजातीचे साप,चित्त थरारक ‘मौत का कुआ ‘ जलपरी शो,विविध दुर्मिळ प्रजातीचे प्राणी व पक्षी, जुरासिक पार्क हे सर्व बघितले, यासोबत विविध खेळांच्या माध्यमातून साहसी खेळ, रोपवे,प्राणीसंग्रहालय बघून विद्यार्थ्यांनी त्याबाबत माहिती मिळवली. त्यानंतर निसर्गरम्य वातावरणात विद्यार्थ्यांनी वनभोजनाचा आस्वाद घेतला.यावेळी शाळेचे मुख्याध्यापक श्री. दिनकर उघडे सर,शिक्षिका सहलप्रमुख सीमा देशमुख मॅडम यांनी सहलीचे योग्य नियोजन व आयोजन केले. महामंडळाचे बसचालक जीवन कुळसंगे यांचे सुखरूप प्रवासाबाबत शाळेच्या वतीने आभार मानले.संस्थेचे संचालक माननीय दिपकभाऊ एंबडवार यांनी शैक्षणिक सहल उपक्रमाबाबत शाळेचे कौतुक केले.सदर सहलीला शाळेतील शिक्षक,शिक्षकेतर- कर्मचारी,विद्यार्थ्यांनी सहलीचा आनंद घेतला व सहकार्य केले.
