सहसंपादक : रामभाऊ भोयर

पंचायत समिती राळेगाव अंतर्गत एन.एम.एम.एस. परीक्षेत तालुक्यातील 59 विद्यार्थ्यांनी यश संपादन केले .राळेगाव शिक्षण विभागाच्या वतीने या परिक्षेकरीता अभ्यास वर्ग ,सराव वर्ग सारखा अभिनव उपक्रम राबविण्यात आला होता ,त्याला यश आल्याचे वास्तव या निकालाने अधोरेखित केले आहे .
यात न्यू इंग्लिश शाळा 19 , जी.प.वाढोना हायस्कूल 13 , जि प शाळा पिंपळापूर 8, जि प शाळा खैरी 4 वडकी हायस्कूल 6, जि प शाळा वरुड 3, जि प शाळा किन्ही (ज) 2 अशी उत्तीर्ण झालेल्या विद्यार्थी संख्या आहे.राष्ट्रीय आर्थिक दुर्बल घटकातील गुणवंत विद्यार्थ्यांसाठी घेतली जाणारी एन.एम.एम.एस. (National Means-cum-Merit Scholarship) परीक्षा ही अत्यंत स्पर्धात्मक व महत्त्वाची परीक्षा आहे.या परीक्षेत पंचायत समिती राळेगाव अंतर्गत तब्बल 59 विद्यार्थी उत्तीर्ण झाले या पैकी 37 विद्यार्थी जि प शाळेतील आहे . ही परीक्षा उत्तीर्ण होणे ही अत्यंत अभिमानास्पद व गौरवास्पद बाब आहे गटशिक्षणाधिकारी नवनाथ लहाने ,विस्तार अधिकारी निलेश दाभाडे यांच्या मार्गदर्शनात तालुक्यातील शिक्षकांनी , तज्ञ मार्गदर्शकाची वाढोना या तालुक्याच्या मध्यवर्ती ठिकाणी सराव व अभ्यास वर्ग घेतले .त्याला चांगला प्रतिसाद विद्यार्थी व पालकांनी दिला .
या यशामागे विद्यार्थ्यांची चिकाटी, पालकांचे सहकार्य तसेच शिक्षकांचे मार्गदर्शन आणि परिश्रम यांचा मोठा वाटा असल्याचे प्रतिपादन गटशिक्षणाधिकारी,विस्तार अधिकारी व सहभागी शिक्षकांनी केले आहे .सर्व यशस्वी विद्यार्थ्यांचे, त्यांचे पालक, मुख्याध्यापक, शिक्षकवृंद व केंद्रप्रमुख यांनी अभिनंदन केले .