यवतमाळ जिल्हा प्रतिनिधी रामभाऊ भोयर
८ मे राळेगाव तालुक्यातील खैरगाव जवादे वरून जवादे कीन्ही मार्ग जाणाऱ्या एकुर्ली गावामध्ये चालू असलेल्या पुलाच्या कामामुळे ये जा करणाऱ्या वाहनांना नाहक त्रास सहन करावा लागत आहे. सविस्तर वृत्त असे जिल्हा परिषद बांधकाम विभागा अंतर्गत चालू असलेल्या पुलाच्या कामामुळे ये जा करणाऱ्यां वाहनांना नाहक त्रास सहन करावा लागत आहे.सदर या फुलाचे काम चालू असताना कुठल्याही प्रकारचं गतिरोधक किंवा सावधान कीचे बोर्ड लावलं नसल्यामुळे येथे अपघाताची दाट शक्यता नाकारता येत नाही . सदर दोन दिवसाआधी एक ४०ते पन्नास प्रवासी घेऊन जाणारी एक ट्रॅव्हल्स थोडक्यात बचावली तर दिनांक ७ मे च्या मध्यरात्री एक फोरविलर सुद्धा थोडक्यात बचावली गावकऱ्यांच्या मदतीने त्या फोर व्हीलर ला बाहेर काढण्यात आले संबंधित ठेकेदारांना व संबंधित अधिकाऱ्यांना गावकऱ्यांनी वेळोवेळी सूचना दिल्या परंतु अजून पर्यंत कुठलाही उपाय सबंधित ठेकेदार व संबंधित अधिकाऱ्यांनी केला नसल्याची ओरड येथील ग्रामस्थांमधून होताना दिसत आहे. सदर याबाबत सबंधित ठेकेदार व संबंधित अधिकाऱ्यांनी वेळेत लक्ष दिले नाही तर मोठा अपघात होण्याची दाट शक्यता असल्याचे येथील ग्रामस्थांकडून बोलल्या जात आहे
