प्रतिनिधी:वरून त्रिवेदी, वरोरा

कोरोनाच्या काळात सर्व उद्योग धंदे बंद होते.त्यामुळे सर्व गरीब मजुर आर्थिक अडचणीत होते.मागील वर्षांपासून कोरोनाच्या प्रसार रोखण्यासाठी शाळा बंद होत्या .त्यानंतर शासनाच्या आदेशानुसार 27 जानेवारी पासून इयत्ता 5 वीची शाळा सुरू करण्यात आली .गरीब मजुरांच्या मुलांना शिक्षणासाठी हातभार व्हावा यासाठी दरवर्षी प्रमाणे यंदाही लोकहीत महाराष्ट्र चे सह संपादक,समाजसेवक प्रशांत बदकी यांनी वरोरा शहरातील गायत्री परिवार संचालित संस्कार केंद्र येथील विद्यार्थ्यांना शालेय शिक्षणासाठी आवश्यक असणारे साहित्य देऊन त्यांना शिक्षणासाठी मदत केली आहे .समाजातील आर्थिक दृष्ट्या गरीब असणाऱ्या विद्यार्थ्यांना शिक्षण घेता यावा यासाठी प्रशांत बदकी नेहमी प्रयत्न करीत असतात.झोपडपट्टी भागातील शिवा नावाच्या मुलाला दत्तक घेऊन त्याच्या शिक्षणाची देखील जबाबदारी त्यांनी घेतली आहे .