वीज वितरण कंपनी राळेगांव च्या अतीभोंगळ कारभाराने वीज ग्राहक त्रस्त
वीज बीलाचा “करंट”तीव्र स्वरुपाचा
राळेगांव तालुका प्रतिनिधी… रामभाऊ भोयर
विशेष बातमी…
विद्यमान आमदार प्राचार्य डॉ अशोक उईके यांनी सतत पाठपुरावा केला त्याची फलश्रुती म्हणजे १३२के व्ही वीज प्रकल्प केंद्र राळेगांव येथे सहा महिन्या पूर्वी सुरु झाले.चार महिने व्यवस्थित वीज पुरवठा,योग्य वीज दाब मिळाला पण दोन महिन्यांपासून चोवीस तासांत चोवीस वेळा वीजेची ये जा सुरु चं असल्याचा विक्रम राळेगांव वीज वितरण कंपनी च्या नावाने नोंदवायचा का?असा संतप्त सवाल वीज ग्राहकांचा आहे. वारंवार वीजेचा का ये जा का सुरु असतो याचं उत्तर मात्र मिळत च नाही. वातावरणात फरक पडला तर समजू शकतो. वादळी वारे नाही,पाऊस नाही फक्त मानवी दुर्लक्ष यामुळेच वीजेच्या लंपडावाने नागरिक त्रस्त झाले आहेत. शहरात तरी वीज येऊन जाते.पण ग्रामीण भागातील जनतेला वीजेचा त्रास दररोज च भोगावा लागतो. सध्या मे महिन्यात कडक उन्हाळा सुरु आहे आणि त्यातल्या त्यात लाॅकडाऊन सुरु सर्व घरात च.पंखा,कुलर्स,ऐसी,ही थंडावा देणारी उपकरणे वीज ये जा मुळे प्रभावित झाली आहे.सध्या सर्व व्यवसाय बंद च्या मुळे सर्वसामान्यांची आर्थिक घडी विस्कळीत होत आहे. चिडचिड वाढत आहे. आणि वीज वितरण कंपनी राळेगांव दररोज वीजेचा तीव्र झटका आपल्या च ग्राहकांना देत आहे.या सर्व प्रकारा मुळे वीज बिल मात्र भरमसाठ येत आहे हे विशेष. वीजेचा वापर कमी होऊनही वीज बिल मात्र “चांगलाच करंट”देत आहे. तत्कालीन कनिष्ठ अभियंता अमोल साळवे यांनी खरोखर च छान सेवा आपल्या कार्यकाळात दिली.नंतर च ही बोंबाबोंब वाढली.उपविभागीय अभियंता देखील या गंभीर विषयावर काहीच ठोस उपाययोजना करत नाही. तांत्रिक बिघाड,रोहीत्र जळाले,विज खांबावर झाड पडलं,कर्मचारी अपुरे आहे ही नित्याचीच कारणं वीज ग्राहकांना ऐकवितात. याचा काही ना कायम स्वरुपी बंदोबस्त विद्यमान आमदार प्राचार्य डॉ अशोक उईके यांनी करावा एवढिच अपेक्षा आहे….
