प्रतिनिधी:प्रमोद जुमडे, हिंगणघाट

हिंगणघाट दिनांक 03/07/2021 ते 0407/2021 रोजीच्या रात्र दरम्यान हिंगणघाट येथील संत तुकडोजी वार्ड हिंगणघाट येथे एकाच रात्री 1)उमेश उत्तम फुलकर 2)सिद्धार्थ काशिनाथ जी गायकवाड 3)श्रीमती रानी विलास झाडे 4)दीपक गायधने यांच्या घरी अग्यात चोरट्याने घरफोड्या केल्या असून त्याबाबत पोस्टे हिंगणघाट येथे घरफोडीचे 3 गुन्हे दाखल करण्यात आले.
सदरची माहिती पोलीस स्टेशन हिंगणघाट येथील शेखर डोंगरे यांचे डी.बी. पथकाला पो.नी. संपत चव्हाण यांनी माहिती देऊन रवाना केले. सदरची माहिती मिळताच लागलीच शेखर डोंगरे यांचे पथक हिंगणघाट परिसरात रवाना होऊन आरोपी व चोरीच्या मालाच्या शोध घेत असता त्यांच्या पथकांनी आपले नेटवर्क चा फायदा घेत माऊली पार्क नागपूर रोड हिंगणघाट येथे पोचून 2 संशयित इसमांना ताब्यात घेऊन त्यांची बारकाईने व कसून चौकशी केली असता त्यांचे ताब्यातून चोरीस गेलेल्या मला पैकी नगदी रक्कम, सोन्याचे दागिने व जेन्ट्स गळ्यात जप्त करून त्यांना सदर गुन्ह्यात अटक करण्यात आली. त्यांच्या मा. विद्यमान कोर्टातून तीन दिवस पी सी आर प्राप्त झाल्याने त्यांच्याकडून पी सी आर काळात पोस्टे ला दाखल असलेल्या तीनही गुन्ह्याच्या चोरीस गेलेला माल सोन्याचे व चांदीचे दागिने तसेच नगदी रक्कम असा एकूण जू.कि.49,960 रू. चा मुद्देमाल हस्तगत करण्यात आला.
सदर गुन्ह्यात अटक करण्यात आलेले आरोपी नामे 1)राहुल कमल माणिकपुरे वय 28 वर्षे रा. योगी अरविंद नगर गल्ली क्र.10, यशोधरा चौक, नागपूर 2) नितेश अशोक गिरावकर, वय 20 वर्ष रा. गिट्टीखदान आखरी बस स्टॉप झोपडपट्टी नागपूर, यांच्याविरुद्ध नागपूर जिल्हा भंडारा जिल्हा चंद्रपूर जिल्ह्यातील विविध पोलिस स्टेशनला सदर आरोपीं विरुद्ध चोरी जबरी चोरी व घरफोडीचे 40 ते 45 गुन्हे दाखल असून ते आरोपी पोस्टे रेकॉर्ड वरील अटल गुन्हेगार म्हणून नोंद आहे.
सदरची कामगिरी मा .श्री. प्रशांत होळकर, पोलीस अधीक्षक, वर्धा, मा.श्री. यशवंत सोळंके, अप्पर पोलीस अधीक्षक, वर्धा, मा.श्री. दिनेश कदम, उपविभागीय पोलिस अधिकारी हिंगणघाट पो.नी. श्री.संपत चव्हाण, पोलीस स्टेशन, हिंगणघाट, यांचे मार्गदर्शनात डी.बी. पथकाचे शेखर डोंगरे, निलेश तेलरांधे, सचिन घेवंदे, विशाल बंगाले, सचिन भारशंकर यांनी केली आहे.