राळेगाव तालुका प्रतिनिधी:-रामभाऊ भोयर (9529256225)

1

डिजिटल साहित्य वितरण व प्रशिक्षण कार्यक्रमाचे यशस्वी आयोजन
आ.कुणावार,आ.आंबटकर यांची उपस्थिति

राळेगाव तालुका प्रतिनिधी:-रामभाऊ भोयर (9529256225)

दिनांक 01 ऑक्टोंबर 2021
स्थानिक स्वराज्य संस्था निधी सन 2020-2021 अंतर्गत पंचायत समिती क्षेत्रातील 21 शाळांना शालेपयोगी डिजिटल साहित्य वितरित करण्यात आले.
‍ या डिजिटल साहित्याचे वितरण व प्रशिक्षण कार्यक्रम दिनांक 1 ऑक्टोबर रोजी स्थानिक पंचायत समिती सभागृहात आयोजित करण्यात आला होता.
या कार्यक्रमाला उद्घाटक म्हणून विधानपरिषद सदस्य आ.डॉ.रामदासजी आंबटकर तसेच हिंगणघाट विधानसभा क्षेत्राचे आमदार श्री. समीरभाऊ कुणावार, पंचायत समितीच्या सभापती सौ.शारदाताई आंबटकर ,जिल्हा परिषद सदस्य ज्योत्स्नाताई सरोदे,पंचायत समिती सदस्य गंगाधरराव कोल्हे, वैशालीताई पुरके, मंगलाताई
ठक, संभाजी देवढे,गटविकास अधिकारी दिनेश चौधरी गटशिक्षणाधिकारी अशोक कोडापे मंचावर उपस्थित होते. या कार्यक्रमामध्ये डिजिटल साहित्य प्राप्त शाळांना साहित्याचे वितरण करून या साहित्याचा उपयोग विद्यार्थ्यांच्या गुणवत्ता वाढीसाठी करण्याच्या संदर्भामध्ये प्रशिक्षण देण्यात आले.याप्रसंगी बोलताना आ. समीरभाऊ कुणावार यांनी शाळांच्या भौतिक व गुणवत्ता विकासासाठी निधी कमी पडू देणार नाही असे आश्वासन दिले. त्याच प्रकारे आ.रामदासजी आंबटकर यांनी पंचायत समिती अंतर्गत उर्वरित सर्व उच्च प्राथमिक शाळाना डिजिटल साहित्य पुरवण्यात साठी योग्य ते प्रयत्न करणार असल्याचे मनोगत व्यक्त केले. राष्ट्रीय शैक्षणिक धोरण 2020 नुसार तंत्रज्ञानाच्या साह्याने विद्यार्थ्यांचा गुणवत्ता विकास करण्यासाठी शिक्षकांनी योग्य ते प्रयत्न करावेत ही अपेक्षा व्यक्त केली. या कार्यक्रमाचे नियोजन विस्तारअधिकारी श्री. सुभाष टाकळे ,श्री. अरविंद राठोड, विलास आटे
व सर्व शिक्षा अभियान च्या संपूर्ण कर्मचारी यांनी केले. या प्रशिक्षणामध्ये तंत्रस्नेही शिक्षक श्री. शरद ढगे यांनी शिक्षकांना डिजिटल साहित्य हाताळणी संदर्भामध्ये संपूर्ण मार्गदर्शन करून शिक्षकांच्या शंकांचे समाधान केले.