राळेगाव तालुका प्रतिनिधी:-रामभाऊ भोयर (9529256225)

हिंगणघाट दि.८ डिसेंबर
केंद्राच्या दिनदयाल अंत्योदय योजनेअंतर्गत निराधारांच्या बेघर निवाऱ्यासाठी इमारत निर्मितीसाठी सुमारे ८२ लाख रुपये मंजुर करण्यात आले,या बेघर निवाऱ्याच्या वास्तुनिर्मितीचे भूमिपूजन हिंगणघाट विधानसभा क्षेत्राचे आमदार समिर कुणावार यांचे शुभहस्ते काल दि.७ रोजी संपन्न झाले.
याप्रसंगी नगराध्यक्ष प्रेम बसंतानी, नगरसेविका सौ.छाया सातपुते, सौ.अर्चना जोशी,सौ. कोडापे,
सौ रवीला आखाडे, रिपाईचे शंकर मुंजेवार, नगरपालिका अभियंता अनिल नासरे इत्यादी मान्यवर उपस्थित होते.
स्थानिक नगरपरिषद द्वारा प्रायोजित शहरी नीराधारांसाठी नागरी परिसरात गेल्या दोन वर्षापासून प्रेरणा वस्तीस्तर संस्थेद्वारे निराधार तसेच बेघर नागरिकांसाठी स्थानिक संत तुकडोजी वार्ड येथील नेहरू शाळेच्या वास्तुमधे हे निवारा गृह सुरू आहे,या निवारागृहासाठी स्वतंत्र इमारतीच्या निर्मितीची गरज लक्षात घेऊन आमदार समीर कुणावार यांनी अनुदानासाठी विशेष प्रयत्न केले, अंतोदय योजनेअंतर्गत सुमारे ८२ लक्ष १४ हजार २५८ रुपये निधी मंजूर करवून घेतला.
उपरोक्त विकासकामाचे काल दि. ७ रोजी आमदार समिर कुणावार यांच्या हस्ते तसेच नगराध्यक्ष प्रेम बसंतानी यांच्या अध्यक्षतेखाली भूमिपूजन संपन्न झाले,यावेळी शहर महामंत्री दिनेश वर्मा, राकेश शर्मा, राहुल दारुणकर,कश्मीर बत्रा, महेश अग्रवाल,बबलू खेनवाल इत्यादीसह प्रेरणा वस्तीस्तर संस्थेचे पदाधिकारी तसेच बचत गटाच्या महिला उपस्थित होत्या.