हिंगणघाट(वर्धा )

स्थानीय जी बी एम एम हायस्कूल व कनिष्ठ महाविद्यालय येथील इयत्ता 9 वी ते 12 वी मधील व्यवसाय शिक्षण अभ्यासक्रमातील विद्यार्थ्यांचे ज्ञान समृद्ध आणि संभाषण कौशल्य विकसित करण्याकरिता इंग्रजी व कृषी या विषयातील तज्ञ व्यक्तींचे मार्गदर्शन मिळावे या हेतूने प्राचार्य गंगाधर ढगे यांच्या मार्गदर्शनात प्रा. डॉ अनिस बेग व अमित कावळे यांना अतिथी व्याख्यानासाठी आमंत्रित करण्यात आले. कार्यक्रमाच्या सुरुवातीला शाळेचे प्राचार्य गंगाधर ढगे व व्यवसाय शिक्षक त्रिरत्न नागदेवे यांनी प्रमुख व्याख्याता प्रा. डॉ अनिस बेग व अमित कावळे यांचे पुष्पगुच्छ देऊन स्वागत केले. त्यानंतर शाळेचे प्राचार्य श्री. ढगे यांनी विद्यार्थ्यांना संबोधित करतांना म्हटले की व्यावसायिक अभ्यासक्रम च्या मल्टि स्कील या विषयामुळे विविध कौशल्य विद्यार्थ्यांना आत्मसात करायला सुवर्ण संधी प्राप्त होत आहे ही फार आनंदाची बाब आहे. व्याख्याता कृषी अमित कावळे यांनी विद्यार्थ्यांना शेती म्हणजे काय , शेतीची मशागत , पिकांवरील आजार , उपाय , कलमांचे प्रकार , भविष्यातील कृषी विभागातील संधी याविषयी विस्तृत मार्गदर्शन विद्यार्थ्यांना केले. तसेच प्रा. डॉ अनिस बेग यानी विद्यार्थ्यांना या तंत्रज्ञानाच्या व स्पर्धेच्या युगात सांभाषण कोशल्य किती महत्वाचे व उपयोगी आहे व ते कौशल्य कसे आत्मसात करायला पाहिजे हे आपल्या प्रभावी पद्धतीने पटवून दिले. कार्यक्रमा चे समारोप व्यवसाय शिक्षक त्रिरत्न नागदेवे यांनी तज्ञ मार्गदर्शकांचे आभार व्यक्त करून केला . यासाठी प्राचार्य श्री गंगाधर ढगे, उप प्राचार्य श्री कोरडे, पर्यवेक्षक सुनील फुटाणे , श्री. कुरेशी, श्री. जाधव, श्री उकेकर, श्री. बरडे , श्री भुते, श्री. तराळे श्री. पवार ,श्री. दिवटे , श्री. कर्नाके , श्री. चाफलेकर , श्री.काटेखाये , श्री. काटकर, सौ, म्हैसगवळी , सौ दांडेकर , सौ राऊत, झाकरीया तसेच व्यवसाय शिक्षक हर्षल बोधनकर, सुमित तलमले, सर्व शिक्षक व शिक्षकेत्तर कर्मचारी यांनी सहकार्य केले.