नगर पंचायत राळेगांव च्या निवडणुकीत पूर्ण दमाने काँग्रेस पक्षाने सुरुवाती पासून घेतलेली “दमदार एन्ट्री” शेवटच्या क्षणापर्यंत टिकवून ठेवलेला “टेम्पो” मुळे अकरा जागा बहूमताने जिंकून,स्पष्ट
बहुमत प्राप्त केले आहे. त्यामुळे ही निवडणूक काँग्रेस पक्षाला नवसंजीवनी देणारी ठरेल असे भाकित दैनिक देशोन्नती ने निवडणूक वृत्त विश्लेषणात वेळोवेळी केले होते ते अगदी तंतोतंत खरे ठरले आहे.
ही निवडणूक काँग्रेस पक्षाचे सर आणि भाऊ यांनी चौदा प्रभागात एकीची भूमिका घेतली. कोठेही वादविवाद झाले नाही. संपूर्ण प्रभागात एकत्र चार ते पाच वेळा प्रत्यक्ष मतदारांशी सुसंवाद कायम ठेवला.पक्षाची भूमिका,पाच वर्षे भाजपा ने काय दिवे लावले? हे पटवून दिल्याने याचाही प्रचारात फायदा झाला. नगर पंचायत राळेगांव च्या मागील वेळी भाजपाला दहा जागी विजय श्री दिली,तर या वेळी काँग्रेस पक्षाला अकरा जागा बहूमताने जिंकून दिल्याने,आता तरी विकास कामे करा असाच छूपा संदेश दिला आहे.
तीन ठीकाणी अपक्ष उमेदवारां नी, दोन ठीकाणी शिवसेना तर एका ठिकाणी राष्ट्रवादी काँग्रेस चा उमेदवार निवडून आले. भाजपा ला भोपळा देत भाजपा मुक्त राळेगांव शहर चा करिष्मा मतदारांनी करुन दाखविला आहे. तीन अपक्ष उमेदवार निवडून आल्यानंतर काँग्रेस मधील या साठी जवाबदार “झारीतील शुक्राचार्य” कोण? या सह प्रभाग क्रमांक पाच व नऊ मध्ये सर्व आलबेल असतांना,पराभव का झाला? याच्याच चविष्ट चर्चा मतमोजणी नंतर सुरु चं आहे. काँग्रेस पक्षाने या वेळी सर्व समाजाच्या सर्वसामान्यांना उमेदवारी दिली याचाच लाभ मिळाला आहे. जानेवारी च्या १८ तारीखेच्या तीन प्रभागाच्या निवडणूकी मध्ये भाजपा आणि राष्ट्रवादी काँग्रेस ला बराच मोठा वाव होता पण तो योग्य नियोजन अभावी कुचकामी ठरत,दोन ठीकाणी काँग्रेस पक्षाचे उमेदवाराला भरीव मते तर प्रभाग क्रमांक आठ मध्ये अपक्ष उमेदवारांने विजय श्री दिली.या निवडणूकीचे दुसरं वैशिष्ट्य म्हणजे भाजपा चे उमेदवार तिसऱ्यां चौथ्या क्रमांकावर फेकल्या गेले. काँग्रेस पक्षाने प्रथम क्रमांकाची मते घेतली तर सर्व अपक्ष उमेदवारां नी दोन क्रमांकाची,राष्ट्रवादी काँग्रेस ने तिसऱ्यां, भाजपा नंतर शिवसेना असा मतांचा क्रम आहे हे विशेष.
