स्थानिक शेगाव बू येथील युवक समाज सेवा करणारा तसेच महात्मा गांधी तंटामुक्त गाव समिती शेगाव (बू) चे अध्यक्ष महेश बबनराव घोडमारे वय वर्षे ३० याचा खून झाला असल्याची माहिती आज सकाळी ११ वाजताच्या सुमारास उघडकीस आली आहे.
सविस्तर असे की, शेगाव येथील तंटा मुक्त समिती चे अध्यक्ष महेश घोडमारे समाज सेवक असून तो खाजगी क्षेत्रात तो जातीचे प्रमाणपत्र, उत्पन्नाचा दाखला असे विविध कामे तो करून जनतेची सेवा करीत होता. त्याच बरोबर तो आपल्या कुटुंबाचा उदरनिर्वाह देखील करीत होता.
विशेष म्हणजे महेश हा सर्व कामात तरबेज असून तो गावात तसेच गाव परिसरात त्याची चांगली प्रतिमा होती. परंतु गेल्या तीन ते चार दिवसापासून महेश हा आपल्या कामाकरीता बाहेर गेला होता. तो घरी परत न आल्याने त्यांच्या कुटुंबीयांनी अधिक चौकशी केली शिवाय काल २२ तारखेला त्यांच्या भावाने पोलीस स्टेशन शेगाव येथे माझा भाऊ हरविला असल्याची लेखी तक्रार दिली. पोलीस कर्मचारी देखील आपल्या कामाला लागले, दरम्यान आज सकाळी त्यांच्या भाऊ याने अधिक माहिती घेतली असता त्याचा भाऊ मेसा येथून दुसऱ्याच्या दूचाकी बसून वरोरा येथे रवाना झाला असल्याची माहिती समोर आली. सदर गाडी मेसा समोरील जंगलात उभी असल्याची खात्री काही लोकांनी दिली. यांच्या आधारे घटना स्थळ गाठले असता झुडपात त्याची चप्पल, रक्त, रक्त बांबाळ असलेले लोखंडी रॉड व झुडपा आड प्रेत आढळून आले.
या घटनेची माहिती पोलिसांना देताच येथील ठाणेदार अविनाश मेश्राम यांच्या ताफ्यासह सर्व कर्मचारी दाखल होऊन पुढील तपास करीत आहेत.
वृत्त लिहे पर्यंत मृत्यूचे मुख्य कारण समजले नव्हते. घटनेचा पुढील तपास शेगाव पोलिस स्टेशनचे ठाणेदार अविनाश मेश्राम यांच्या मार्गदर्शनात कर्मचारी करीत आहे. घडलेल्या या घटनेमुळे संपूर्ण परिसरात हळहळ व्यक्त होत आहे
