राळेगाव तालुका प्रतिनिधी-रामभाऊ भोयर (9529256225)

मनसे तालुकाध्यक्ष शंकर वरघट यांच्या नेतृत्वात मनसेच्या वतीने राळेगाव तालुका आरोग्य अधिकारी यांना साथरोग सदृश्य आजाराची रोकथांम करण्याकरीता उपाययोजना करा या मागणीचे निवेदन देण्यात आले. राळेगाव तालुक्यात डेंग्यू, मलेरिया, हिवताप, ताप, सर्दी खोकला रूग्ण संख्या झपाटयांने वाढत असल्याच्या पार्श्व्भूमीवर ही न्याय मागणी असल्याची चर्चा तालुक्यात आहे.
महापुरामुळे गावात रोगराई वाढुन साथसदृश्य आजार वाढू नये यासाठी आरोग्य विभागाच्या वतीने तालुक्यातील प्रत्येक गावात आरोग्य तपासणी शिबिराचे आयोजन करावे अशी मागणी मनसेने तालुका आरोग्य अधिकारी यांच्याकडे केली आहे.
अतिवृष्टीमुळे नदी,नाल्यांची पाणी पातळी वाढुन पुराने थैमान घातले आहे पुर ओसरल्यानंतर तालुक्यातील वडकी,रावेरी, झाडगाव, सरई, निधा, चिकना,पिंपरी दुर्ग, पिंपळखुटी,चाहंद, वरुड, नागठाणा गुजरी,पिंपळगाव, वाढोणा बाजार, भांब,लाडकी,कोच्ची, आंजी, करंजी सो, रोहिनी, येवती, धानोरा, खैरी, मुदापुर,एकभुर्जी, सावंगी, भाम, कारेगांव, वरूड, यांसह अनेक गावांमध्ये रोगराई वाढत असुन डेंग्यु, मलेरिया, हिवताप, सर्दी खोकला व तसेच विविध साथरोग सदृश्य आजारांनी थैमान घातले असुन नागरिकांचे आरोग्य बिघडले आहे.यावर अटकाव निर्माण करण्यासाठी आपली आरोग्य यंत्रणा उदासीन दिसत असुन आपण याकडे लक्ष देवुन या आजारांचा वाढता प्रादुर्भाव रोखण्यासाठी पावले उचलण्याची गरज असुन तालुका आरोग्य विभागाच्या वतीने गावागावात आरोग्य शिबीर आयोजित करण्यात यावे, ओपीडी सुरू करून गावकऱ्यांची आरोग्य तपासणी करावी,जनजागृती करून मोफत औषधे व गोळ्यांचे वाटप करण्यात यावे, गावांमध्ये धुर फवारणी करण्या करीता प्रत्येक ग्राम पंचायतींना यंत्रणा उभारून द्यावी तसेच तालुका सर्व प्राथमिक आरोग्य केंद्र व आरोग्य उपकेंद्रांमध्ये गैरहजर राहणाऱ्या कर्मचाऱ्यांना उपस्थित राहणे बंधनकारक करावे अन्यथा जनतेच्या आरोग्यासाठी महाराष्ट्र नवनिर्माण सेनेच्या वतीने आपल्या विभागाविरोधात आंदोलनाचा पावित्रा घ्यावा लागेल असा इशारा तालुकाध्यक्ष शंकर वरघट यांनी दिला
यावेळी मनसे मनविसे तालुका अध्यक्ष शैलेश आडे, मनसे वाहतूक ता. अध्यक्ष आरिफ शेख, विशाल राऊत, अमोल गाताडे, निलेश भोयर, कुणाल खैरी, स्वप्नील नेहारे आणि महाराष्ट्र सैनिक उपस्थित होते.