माजी खा.व ओबीसी राष्ट्रीय बहुजन महासंघ अध्यक्ष डॉ खुशाल बोपचे अध्यक्षतेखाली भंडारा येथे बैठक संपन्न

राळेगाव तालुका प्रतिनिधी-रामभाऊ भोयर

दि. 25. ऑगस्ट ला राष्ट्रीय ओबीसी बहुजन महासंघाची भंडारा जिल्हाची प्रथम कार्यकारणीची बैठक संपन्न झाली .बैठकीत माजी खासदार डॉ. खुशाल बोपचे संस्थापक  तथा राष्ट्रीय अध्यक्ष राष्ट्रीय ओबीसी बहुजन महासंघ यांनी महाराष्ट्र प्रदेश उपाध्यक्षपदी समाजसेवक, पत्रकार विविध सामाजिक संघटनेचे निगडित असलेले व प्रेस संपादक व पत्रकार सेवा संघटनेचे राज्य सरचिटणीस संजीव भांबोरे यांची लेखी पत्रकाद्वारे नियुक्ती केली. मार्गदर्शन करतांना राष्ट्रीय ओबीसी बहुजन महासंघाचे उद्देश कार्य आणि पक्ष संघटना बद्दल मार्गदर्शन केले. प्रामुख्याने ओबीसीचि  जातनिहाय जनगणना होणे आवश्यक आहे. त्यांचप्रमाणे नॉनक्रीमिलेयरचि अट रद्द करणे ,त्याच प्रमाणे या देशामध्ये शेतकऱ्यांना शेतमालाचे भाव उत्पादन खर्चाच्या आधारावर कधीच मिळाले नाही. कदाचित ते मिळणार ही नाही .म्हणून त्यांचे उत्पादन हे राष्ट्रीय उत्पादन म्हणून शेतकरी आणि त्याचा शेतामध्ये काम करणारा शेतमजूर ह्यांना वयाच्या 55 वर्षा नंतर किमान 5000 ₹ पेन्शन योजना लागू करण्यात यावी अशी मागणी  केली आहे. 
        बैठकीमध्ये राष्ट्रीय ओबीसी बहुजन महासंघाच्या काही पदाधिकारांची नियुक्ती करण्यात आली. या सभेमध्ये महाराष्ट्र राज्य राष्ट्रीय ओबीसी बहुजन महासंघाच्या प्रदेश उपाध्यक्षपदी संजीव भांबोरे, सुरेश टेंभरे यांची भंडारा जिल्हा अध्यक्षपदी, कुलदीप गंधे यांची भंडारा तालुका अध्यक्षपदी, नीलम चव्हाण यांची निवड महाराष्ट्र प्रदेश युवती सचिव, शोभना गौरशेट्टीवार यांची महाराष्ट्र राज्य महिला आघाडी उपाध्यक्षपदी, वनिता ठाकरे यांची महाराष्ट्र प्रदेश महिला महासचिव पदी  , नियुक्ती करण्यात आली. यावेळी गणेश पारधी राष्ट्रीय उपाध्यक्ष बहुजन महासंघ, भूमेश्वर कटरे कार्यालय सचिव, भोजराज गभणे, प्रविण ठाकरे, मोईन शेख, बाबा पाठेकर, बंडूभाऊ चेटूले, श्रीराम सेलोकर, अशोक अतकरी व ओबीसी पदाधिकारी आणि मान्यवर हजर होते.