कोंढाळा ( वरोरा) :- डॉ. पंजाबराव देशमुख कृषी विद्यापीठ संलग्नित महारोगी सेवा समिती द्वारा संचालित आनंद निकेतन कृषी महाविद्यालय वरोरा येथील अंतिम वर्षाच्या विद्यार्थ्यांनी ग्रामीण कार्यानुभव कार्यक्रमा अंतर्गत शेतकऱ्यांना अझोला उत्पादनाचे प्रशिक्षण दिले.
अझोला ही पाण्यावर वाढणारी शेवालवर्गिय वनस्पती असून यात प्रथिने २२.२%, स्निग्ध पदार्थ – २.९%, तंतुमय – १२.०२ %, क्षार – १८.३% , शुष्क घटक – ७.१०% , एनडीफ ४६.१०% , एडएफ, ३६.६३%, इत्यादी पोषक घटक आहेत. जनावरांच्या खाद्यामध्ये त्याचा पूरक म्हणून वापर करण्यात येतो, तसेच भात शेतीत खत म्हणून गडल्यास त्यातून नत्र उपलबद्ध होते , दुग्ध उत्पादना करिता शेतकरी पाळत असलेल्या दुभत्या जनावरांना लागणाऱ्या महागट्या खुराकामुळे दुग्ध उत्पादनावरील खर्च वाढत असतो, खर्च कमी करण्ासाठी घरच्या घरी कमी खर्चात अधिक चांगला नैसर्गिक वनस्पतीजन्य चारा म्हणजेच अझोला वनस्पती दुग्ध उत्पादक शेकऱ्यांसाठी खुप फायदेशीर ठरतो त्यामुळे शेतकऱ्यांना अझोला उत्पादनाचे योग्य मार्गदर्शन मिळावे या उद्देशाने कोंढाळा येथे विद्यार्थ्यांनी हा उपक्रम राबवला.
या विद्यार्थ्यांमध्ये रोहित वाडीभस्मे, योगेश थुट्टे , पंकज वैद्य, अमन ठाकरे यांचा समावेश होता . यासाठी आनंद निकेतन कृषी महाविद्यालय वरोरा चे प्राचार्य डॉ एस. एस. पोतदार सर , कार्यक्रम प्रभारी डॉ. रामचंद्र महाजन सर , कार्यक्रम समन्वयक डॉ एस. एन पंचाभाई सर, तसेच डॉ. एम. एन पातोंड सर , डॉ. एस. आर. ईमडे सर , डॉ. पी. के. अकोटकर सर यांचे मार्गदर्शन लाभले.