ढाणकी प्रतिनिधी: प्रवीण जोशी

मुलाच्या प्रथम वाढदिवसानिमित्त भव्य रोग निदान शिबिराचे आयोजन मेट येथे दिनांक 31 ऑगस्ट रोजी करण्यात आले होते त्यामध्ये गावातील 140 रुग्णांनी सहभाग नोंदविला.
ढाणकी पासून जवळ असलेल्या मेट येथे या कार्यक्रमाचे आयोजन केले होते. हल्ली आपण बघतोच आहे ग्रामीण भागात रुग्णांना योग्य सुविधा मिळणे कठीणच.आणि वाढदिवस अनेक मान्यवर साजरा करतात पण सामाजिक दायित्व फार कमी लोकांना असते.समाजाला काही देणे लागते या उदात्त हेतूने मेट गावातील माजी जिल्हा परिषद सदस्य तथा माजी सैनिक उत्तमराव राठोड यांचा नातू व भाजपा युवा जिल्हा उपाध्यक्ष विक्रम राठोड व मेट च्या सरपंच सौ प्रवीणा विक्रम राठोड यांच्या मुलगा किआन याचा प्रथम वाढदिवस काही वेगळं करून साजरा करण्याचा मानस विक्रम राठोड यांनी व्यक्त केला आणि त्यांच्या संकल्पनेतून या भव्य रोगनिदान शिबिराचे आयोजन करण्यात आले. या रोगनिदान शिबिराला पुसद येथील आयकॉन हॉस्पिटल चे व डॉ आदित्य सौंदनकर, डॉ अमोल पवार, डॉ राजकुमार ठाकरे, डॉ किशोर देव्हारे यांचे मोलाचे सहकार्य लाभले यामुळे दुर्धर आजारी लोकांना सुद्धा याचा लाभ झाला.