.
तालूका (प्र.):आशिष नैताम
प्रत्येकाला स्पर्धा परीक्षेचे आकर्षण किंवा वेध लागत जरी असले तरी ते सहजसाध्य नाही परंतु अश्यक्यही नाही. ते दिव्यकार्य असल्याने तितकेच दाहकही असून मेहनतीची तयारी, ध्येय निश्चिती, वेळेचे नियोजन, उत्तम मार्गदर्शन व चांगल्या पुस्तकांच्या अभ्यासाने महाविद्यालयीन जीवनातूनच तयारी केल्यास यश नक्कीच मिळेल असे प्रतिपादन समाज कल्याण वसतिगृह गृहपाल योगेश धोडरे यांनी केले. ते शिवाजी महाविद्यालय राजुरा येथील स्पर्धा परीक्षा मार्गदर्शन व बक्षीस वितरण कार्यक्रमात मार्गदर्शक म्हणून बोलत होते. कार्यक्रमाच्या अध्यक्षस्थानी महाविद्यालयाचे प्राचार्य श्री वारकड सर, तर उपप्राचार्य श्री खेरानी, प्रा. विठ्ठल आत्राम, प्रा. महेश गेडाम, संजीवनी फौंडेशन चे राजेश हजारे, इजाज शेख यांची प्रमुख उपस्थिती होती.
या कार्यक्रमात संजीवनी फौंडेशन ने घेतलेल्या सामान्य ज्ञान परीक्षाचे बक्षीस वितरण करण्यात आले.
सर्व अतिथींनी पारितोषिक मिळालेल्या विद्यार्थ्यांचे अभिनंदन केले.
कार्यक्रमाचे प्रास्ताविक प्रतीक्षा वासनिक, सूत्रसंचालन सुरज पचारे, तर आभार संतोषी सरकार हिने मानले. कार्यक्रमाच्या यशस्वीतेसाठी प्रज्वल बोबडे, गुरुदास कनाके, निकिता जोगी महाविद्यालयाचे सर्व कर्मचारी, विद्यार्थी व संजीवनी फौंडेशनच्या कार्यकर्त्यांनी अथक परिश्रम घेतले.
