कृष्णा चौतमाल प्रतिनिधी.
हदगांव – तालुक्यातील निवघा बाजार पासून जवळच असलेल्या कोळी या गावची ग्रामपंचायत लोकसंख्या जवळपास ४५०० आहे. तालुक्यात मोठ्या ग्रामपंचायत पैकी एक असलेल्या कोळी या गावचा जेवढा विकास व्हायला पाहिजे होता तितका झाला नाही. कोळी येथील अंतर्गत रस्त्याची अत्यंत दुरावस्था झाली आहे. गावच्या मुख्य शाळेकडे जाणाऱ्या रास्त्यावर चिखल व पाणी साचले आहे. शाळेच्या विद्यार्थ्यांना व गावातील नागरिकांना वाट शोधताना कसरत करावी लागत आहे.
कोळी गावातील कुठल्याही नालीची साफसफाई नाही. त्या कारणामुळे नालीतले सांडपाणी सतत रस्त्यावर येत आहे त्यामुळे गावातील नागरिकांना अतोनात त्रास सहन करावा लागत आहे. गावकरी मुरूम टाका म्हणले असता ग्रामपंचायत गावाकऱ्याकडे दुर्लक्ष करीत आहे. गावात पाठदिवे ३ महिन्याखाली पथ दिवे बसवा म्हणून गावातील ग्रामस्थाने सांगितले होते. पण तरीही अजून बसवले नाही.
शाळेकडे जाणाऱ्या रस्त्याचे गेल्या अनेक वर्ष्यापासून काम झालेले नाही. सध्या पावसाचे दिवस असून , सर्व रस्ते चिखलमय झाले आहेत. ग्रामस्थांच्या घरातील सांडपाणी व पावसाचे पाणी रश्त्यावर येत असल्याने रस्त्यावर जागोजाग पाण्याचे डव्ह साचले आहेत. गेल्या अनेक वर्ष्यापासून या रश्त्याचे काम ग्रामपंचायत कडून केले गेले नाही. सांडपाण्याची व्यवस्था नसल्याने रस्त्यावर जागोजाग डव्ह साचले आहेत.
हा रस्ता मुख्य म्हणजे शाळेकडे व दवाखान्याकडे जाणारा असल्यामुळे सम्पूर्ण गावाचे रुग्ण विद्यार्थी गावचे नागरिक याचं रस्त्याने शाळेत जातात. त्यांना यातून जाण्यासाठी तारेवरची कसरत करावी लागत आहे.
गावचे ग्रामसेवक गिरबीडे साहेब यांना सांगूनही ते लक्ष देत नाहीत. गावचे उपसरपंच प्रतिनिधी संतोष पाटील चौतमाल यांना याबद्दल नागरिकांनी विचारले असता त्याने माझ्या हातात काही नाही असे सांगितले. सरपंच तर गेल्या ५ दिवसापासून गावात फिरकलेच नाहीत.
