आमदार रोहित पवार यांच्या हस्ते पुरस्कार प्रदान. कृषिक्षेत्रात शिक्षण घेत असताना कृषिविस्तार ,कृषिसंधाना बरोबर सामाजिक,ग्रामविकास इ.क्षेत्रात सक्रिय सहभाग नोंदविणाऱ्या विद्यार्थ्यांचा गौरव करण्यासाठी ‘कृषीथॉन गुणवंत विद्यार्थी पुरस्कार’ आयोजन करण्यात आला होता. युवकांचा कृषीक्षेत्रातील सहभाग वृद्धिंगत व्हावा या उद्देशाने कृषीशिक्षण घेणाऱ्या व या क्षेत्रात नैपुण्य मिळवणाऱ्या विद्यार्थ्यांचा गौरव मागील १५ वर्षा पासुन कृषीथॉनमध्ये केला जात आहे. या पुरस्कार वितरणासाठी साठी आमदार रोहीत पवार प्रमुख उपस्थिती म्हणुन उपस्थित होते. तर नाशिक पदवीधर मतदार संघाचे आमदार डॉ.सुधीर तांबे इतर मान्यवर सुद्धा उपस्थित होते सुद्धा उपस्थीत होते.
कृषीक्षेत्रातील सहभागाला प्रोत्साहन देण्यासाठी व शेतीविषयक नवीन संकल्पना त्यांच्यापर्यंत पोहचविण्यासाठी कृषीपदवीधरांची भूमिका लाखमोलाची ठरणार आहे.अशा उपक्रमातून त्यांना प्रेरणा मिळावी कृषी विकासामध्ये आधुनिक तंत्रज्ञानाची मानसिकता तयार करण्याचे काम करत असताना कृषीक्षेत्रात आदर्शवत कार्य व्हावे हा यामागील मुख्य हेतू आहे. असे पुरस्कारांच्या आयोजकांनी सांगितले.
मराठवाडा असो की पश्चिम महाराष्ट्र या तुलनेत आपल्या विदर्भात पाहिजे त्या प्रमाणात शेती तंत्रज्ञानाचा वापर होत नाही. विदेशात मनुष्यबळ कमी असल्यामुळे रोबोटिक शेतीचा अवलंब करण्यात येत असून स्पेस फार्मिंग , टेरेस फार्मिंग , माती विना शेती अशा नवनवीन शेती पद्धती चा अवलंब मोठ्या प्रमाणात विदेशात करण्यात येत आहे. हे नवनवीन तंत्रज्ञान आपल्या विभागात कशाप्रकारे आणता येईल याकरिता कायम प्रयत्नशील राहील असे मत शुभम पिंपकर यांनी व्यक्त केले.
विभागात होणाऱ्या आत्महत्यांचा मुद्दा सुद्धा उपस्थित करून उपस्थित मान्यवरांचे लक्ष केंद्रित केले
