सहसंपादक -रामभाऊ भोयर
राळेगाव तालुक्यातील धर्मापुर रेती घाटावरून पाच ट्रॅक्टर अवैध रेतीची वाहतूक करीत असल्याची माहिती मिळल्यावरून (प्रभारी)तहसीलदार दिलीप बदकी यांनी सापळा रचून आपल्या कर्मचाऱ्यासह व पोलीस समवेत दिं १६ मे २०२३ च्या रात्री २ :०० वाजताच्या सुमारास धर्मापुर रेती घाटावर मोटर सायकलने जावून रेती घाटावर असलेल्या पाचही ट्रॅक्टरवर मोठी कारवाई करण्यात आली आहे.
अवैधरित्या रेती वाहतूक करणारे ट्रॅक्टर क्रमांक (१)एम एच २९ ए के ५४३ शुभम भगवान बेलखडे रा. उंदरी (२) ,एम एच २९ बी पी ०३२६ मुन्ना मुबारक सैयद, जागजई,(३) सुरेश मारोती डूडूरकार नवीन पासिंग, रा.उंदरी,(४) स्वप्नील सुरेश सरोदे,रा.जागजई नवीन पासिंग,(५ ) अरुण पंढरीनाथ कोल्हे रा.जागजई नवीन पासिंग असंलेले तीन ट्रॅक्टर असे पाच ट्रॅक्टर घाटातून अवैधरित्या रेती तस्करी करीत असल्याची माहिती मिळाली या माहितीच्या आधारे (प्रभारी) तहसीलदार दिलीप बदकी मंडळ अधिकारी अनिल कणसे, तलाठी महादेव सानप, तलाठी बंडू तिरणकर, व ड्रायव्हर सुनील कुऱ्हे हे मोटर सायकलने घाटात पोहचले असतात घाटात पाच ट्रॅक्टर आढळून असून या असलेल्या पाचही ट्रॅक्टर चालकांनी तिथून पळ काढला मात्र पोलीसांच्या मदतीने त्यांचा पाठलाग करून त्यांना पकडण्यात आले असून पाचही ट्रॅक्टरवर दंडात्मक कारवाई करण्यात आली असून पाचही ट्रॅक्टर तहसील कार्यालयात जमा करण्यात आले आहे असून या पाचही ट्रॅक्टर च्या दंडाच्या रकमेतून शासनाला जवळपास सहा लाख रुपयांचा महसुल जमा होणार असल्याची माहिती (प्रभारी)तहसीलदार दिलीप बदकी यांनी दिली आहे.
