संग्रहित फोटो
पावसाने थोडी उसंत घेताच पुन्हा एकदा तालुक्यांत वाळू तस्करीने जोर धरला आहे. तालुक्यात धर्मापुर येथे एकमेव वाळू डेपो सुरू आहे.त्या वाळू डेपोचा नेमका फायदा तस्कर करुन घेत आहेत.या वाळू तस्करीला खाकी अन् खादीची समर्थ साथ मिळत असल्याचे बोलले जात आहे.
पंधरा दिवस पाऊस पडला नाही, त्याचा अलगद हवा तसा उपयोग नेहमी प्रमाणे राळेगांव तालुक्यातील नेहमी च्या अवैध वाळू तस्करांनी करुन घेतल्याचे ठीक ठिकाणी वाळूच्या ढीगां वरुन निदर्शनास येत आहे. या साठी ” खाकी आणि खादी” ची समर्थ साथ तर नाही ना? अशी चर्चा सध्या राळेगांव शहरात व तालुक्यात सुरु झाली आहे.फक्त एक रेती डेपो धर्मापूर येथे याच आठवड्यात सुरु झाला आहे. याचा अलगद हवा तसा फायदा अवैध वाळू तस्कर घेत असल्याचे निदर्शनास येत आहे.
दोन ट्रॅक्टर वैध परवाना म्हणजे पास घेऊन रेती डेपो तून निघाले,तर त्या सोबत चं अवैध वाळू तस्करी करणारे दोन ट्रॅक्टर असा “गोरखधंदा” सर्रास सुरु असल्याच्या चर्चा सुरु आहे, या साठी प्रमुख मार्गावर तपासणी नाके, भरारी पथके ही तर दिवसरात्र सजग राहिले तर अवैध वाळू तस्कर वाहतूकीस काही प्रमाणात आळा बसेल.या दिड महिन्यात अवैध वाळू तस्कर वाहतूकीचा एक ही ट्रॅक्टर पोलिस, महसूल प्रशासनाला मिळू नये? राळेगांव शहर व तालुक्यात जवळपास शंभर च्या वर ट्रॅक्टर या अवैध वाळू तस्करी त गुंतलेले असून बहुतांश ट्रॅक्टर विना नंबर चे असून, कायदेशीर कागदपत्रा विना अवैध वाळू वाहतूक करत आहे.
अठ्ठावीस दिवसां पुर्वी यवतमाळ च्या वाहतूक पोलिसांनी अवैध वाळूची वाहतूक करणारा ट्रॅक्टर साठ हजार रुपयांची तोडी करुन परभारे सोडून दिल्याची चर्चा होती… कुठल्याही प्रकारच्या कारवाया होत नसल्याने सध्या राळेगांव शहरात व तालुक्यातील महसूल व पोलीस प्रशासन तस्करांच च्या दावणीला बांधले तर गेले नाही ना? अशी ही शंका नदी काठावरील गावकऱ्यांसह सुजाण नागरिकांना येणे स्वाभाविक आहे?
वाळू डेपोच्या मुख्य मार्गावर चौकीची गरज…
धर्मापुर या वाळू डेपोतून सध्या घरकुल लाभार्थ्यांना मोफत वाळूचे वाटप केले जात आहे.मात्र याचाच नेमका फायदा वाळू तस्कर उचलताना दिसत आहेत विना परवान्याची वाहने सुरू असल्याने या मार्गावर महसूल प्रशासनाने चौकी सुरू करावी अशी मागणी नागरिकांकडून केली जात आहेत.
